(Alta Frequenza) Hè un ghjornu particulari pà parechji corsi, è què dipoi anni è anni.
(Michaël Andreani – Alta Frequenza) – Hè oghji a cilibrazioni rilighjosa di l’Immaculata Cuncizzioni, ma dinò a tradiziunali Festa di a Nazioni Corsa. Una festa chì hè stata riintrudutta a sapeti bè duranti l’annati 1970 è u Riacquistu, chì associ numarosi urganizeghjani grazia à sfarenti manifistazioni culturali o ancu intarvinzioni ind’i scoli di l’isula. In Conca, l’associu A Punta di l’Ortu hà da urganizà pà a sedicesima annata di fila A Festa di a Nazioni cù un prugramma riccu è variu. Prima stasera, à partasi da 6 ori cù l’illuminazioni di a banniera giganti di 300 metri quadrati in a Punta Calcina è à 7 ori una marchja simbolica cù bannieri in a muntagna pà a Punta di l’Ortu.
Eppo dopu vennari, cù à sei ori è mezu una messa cantata di l’immaculata cuncizzioni, una prucissioni à 8 ori, spiecazioni storichi in piazza à a ghjesgia, eppo à 9 ori una vighjata tradiziunali in a sala di i festi cù canti eppo da bia è da magnà. Una festa ch’ellu hè nicissaria di perpetuà in Corsica sana, pà i raghjoni ch’ellu ci spiega Micheli Leccia, pà l’associu A Punta di l’Ortu.
Steti à senta à Micheli Leccia
ALTA FREQUENZA TDR
Produit CORSU E RIBELLU
