dilla franca: Makelelosciu

Bullia a pignatta dapoi un pezzu ma à sente lu ùn ci era da inchietà si. Eppuru Claude, mitu sempre vivu di u ballò francese è à caternu per a so prima sperienza d’intrenore, s’hè pigliatu u so cartone rossu.

logo corsematin2011È ci arricurderemu chì per i Santi, u Sporting avia messu in terra u so coach. Ci hè statu un sbagliu di casting ch’ellu ci vulia à rituccà. È chì i dirigenti anu ricunnisciutu oramai – senza palisà la – cù st’ultimu fischju.

Eppuru, ghjuchendu sta carta di u rinnovu – chì hè fiascata prestu cù a friscura di l’auturnu – u club avia sunatu u murtoriu di quattru anni di ventu in poppa. Fù a girata bling bling di u Sporting chì vulia lampà e cunfine di l’orizonte. È chì ciuttò da a cima à lu prufondu. Cum’è e scumesse nant’à Cissé, Krasic è u murtulaghju di Brandao. Cumplessu di u culunizatu o sbacca bastiaccia ? Ùn si sà. Hè cum’è a passione, acceca l’ochji è dura pocu.

U fattu si stà chì Furiani era di più avvezzu à i pienti, à u sudore, è à ruspà in terra. Di pettu à st’usi nustrali, i custumi luccichenti di Claude parianu d’esse una tacca nant’à a maglia turchina. È ci era ancu da dumandà si ciò ch’ellu facia à mezu à sta Lega 1 chì pate a fame.

Lire la suite sur CORSE MATIN

Produit CORSU E RIBELLU

bandeauribelluteeshirt (1)

Produits à partir de 13e

WP2Social Auto Publish Powered By : XYZScripts.com
error: