Ange-François Filippi urganizeghja pà u GRETA u Certificatu di lingua corsa. Issu certificatu hè in traccia di mutà prisintazioni è andatura. L’emu dumandatu di chì si tratta.
– Corsica : Issu certificatu quali l’urganizeghja, è parchì ?
– Ange-François Filippi : Ne hà a carica u GRETA di u Pumonte, vene à dì u sirviziu di furmazione cuntinua di l’Educazione naziunale, chì face tutta l’annata i stazii di corsu, o i stazii ch’ellu ci hà a so parte u corsu. A certificazione l’hà criata l’Educazione naziunale, cù u sustegnu di a Cullitività territuriale. U certificatu hè principiatu in 2008, à parte si, si pò dì, da una dumanda di a sucetà corsa stessa : imprese, amministrazione è stazianti, chì vulianu una ricunniscenza ufficiale di cumpitenza in corsu. Prima, u fattu di pudè dì chì u tale avia seguitatu tal numaru d’ore di corsu ùn dicia nulla di ciò ch’ellu pudia fà in corsu di modu cuncretu, à u scrittu è à l’urale. L’evuluzione di u insignamentu di e lingue in ginirale, u quadru aurupeu cumunu di cumpitenza in lingua, a spirienza fatta in Ispagna pà u catalanu da u Consorci per a Normalitzaciò linguìstica, ci anu aiutatu assai par issu travagliu, chì era una nuvità in Francia pà e lingue « rigiunale ».
– Corsica : È chì sò i cumpitenzi virificati ?
– Ange-François Filippi : Sò quelle priviste da u Quadru aurupeu in i so 6 livelli, da A1 à C2. Par avà u certificatu ùn hè statu datu cà pà i 3 primi, da A1 à B1, ma si privede d’andà à C1. Hè fundata a valutazione nantu à e capacità di u candidatu, chì si misuranu in l’ammaistrera di una situazione di cumunicazione, è in a rializazione di i travagli privisti. Ùn si cerca à virificà una cunniscenza teorica di a lingua. Si tene contu dinò di a situazione suciolinguistica di a lingua corsa, è i ducumenti pruposti currispondenu cù a diversità di i parlati corsi.
-A certificazione hè data pà un livellu di u quadru quand’è tutte e cumpitenze urale è scritte sò virificate par issu livellu. Ma u ghjuratu pò signalà chì un candidatu hè, mittimu sopra à B1 pà una cumpitenza o una altra, è li pò ghjuvà par certi impiechi. Di modu ginirale si tratta di valurizà a cumpitenza in corsu è di fà crescia a cunfidenza in a pratica di a lingua.
(…)
by @Lazezu
Revue de Presse et suite de l’article :
sur Corse Matin, sur Alta Frequenza, sur RCFM, Sur Corsica, Sur le Journal de la Corse,
Sur Alcudina, sur Corsica Infurmazione/Unità Naziunale, sur France 3 Corse, Sur Corse Net Info (CNI)
Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Produit CORSU E RIBELLU
