#Corse – Manifestation festive « Lingua Corsa » Nouvel appel à mobilisation « In Soffiu Novu »

De nombreux appels du mouvement national sont relayés sur les réseaux sociaux, voici ceux arrivés à notre rédaction et sur nos outils de communication.

Associu “Un Soffiu Novu” chjama à participà à a manifestazione di u 2 d’aprile « Per una sucietà bislingua » urganizata da u culletivu « Parlemu corsu ». ghjè più chè ora di prumove a nostra diversità linguistica in u spaziu suciale denduli l’accessu universale, attraversu tutte e rete mundiali è una piazza ricunisciuta à paru di u francese in u duminiu publicu . Avà Ci volenu i mezi pulitichi per francà u passu. Aiò ! Tutti in corti à prò di l’avvene di a lingua corsa! « un soffiu novu » chjama à vene numerosi à stu ritrovu storicu !!! Per u rispettu di sta lingua materna, rinforzemu i mezi per ch’ella ùn smarisca mai!

Primurosu di a lingua corsa è sempre à latu à u Cullettivu Parlemu Corsu dapoi a so creazione in u 2005, l’associu Bastia 1905 chjama l’inseme di i so membri, amichi turchini è u populu corsu sanu à participà à a serata maiò à prò di a lingua nustrale stu marti sera in Corti. À noi, ghjuventù corsa in stu locu d’emancipazione chì hè l’Università di Corsica è dopu à a ricusa di zifra di a cartula di e lingue minuritarie, di dà ci a forza di fà sbuccà e nostre brame… Femu di u nostru paese, una sucietà bislingua !Per ch’ella campi a nostra lingua, marti tutt’in Corti ! BASTIA 1905

NewGIFFemu a Corsica chjama à participà à a festa organizata da u « Cullettivu Parlemu Corsu » u marti 2 d’aprile, in Corti

L’Associu I Baroni, associu culturale di Purtivechju v’invita à partecipà ‘ssu 2 d’Aprile in Corti, à a serata urganizata dà u culletivu Parlemu Corsu. A piazza di a lingua corsa in a sucieta è a so pratica hè, dapoi u principiu, essenziale pà l’Associu I Baroni. Se noi vulemu chi a nostra lingua pudessi campà in a nostr’isula, duvemu esse à ‘ssa serata incu tutti l’associi culturali è a ghjuventù chi si move pà mustrà u nostru attacamentu à a lingua corsa, è u ligame ubligatoriu trà ella è a sucietà corsa Allora Marti u 2 d’Aprile per la salvezza di a nostra lingua, è u so sviluppu, tutt’in Corti !

L’Associu Culturali di Carbuccia chjama à participà à a ghjurnata festiva pà a ricunniscenza di a lingua Corsa u Marti 2 d’Aprili in Corti. Oghje più che mai, a salvezza di a lingua, à so pratica, u so spannamentu ind’a suciétà, so ingaghjamenti maio chi ci devenu primurà pà l’avenna di i nostri ziteddi. A lingua é a cultura Corsa, radichi di a nostra suciétà, capita indè tuttu u mediterraniu é, à tempu, arradicatu ind’ i nostri rughjoni carchi di memoria, devi essa u cimentu di una Corsica di dumani piu ghjusta ,custruita nanta i nostri valori antichi di travagliu, di rispettu é apparta à quiddi chi faranu u sforzu d’amparala.. Bona Pasqua à tutti

U RIACQUISTU DI PORTIVECCHJU porta u so sustegnu a l’associu « Parlemu Corsu » pà a so addunita u marti u 2 d’aprili privista in Corti. A rivindicazioni maiori di a lingua, di u so usu in a vita di tutti i ghjorni, e di u so statutu in a suciita so punti maiori chi purtemu in un nosciu prughjettu di riacquistu puliticu culturali e suciali. Un si po cuncipii un’ andatura pulitica d’arrigulamentu senza dà a a noscia lingua a piazza naturali chi hé a soia in a cumunità. LINGUA CORSA LINGUA, IN A VITA DI TUTTI I GHJORNi !!! U RIACQUISTU DI PORTI VECCHJU

Giuventù Arritta, impegnata da sempre in favore di a lingua corsa, chjama tutti i so militanti, i s’amichi, i so paisani è u populu corsu sanu à participà à a manifestazione di marti in Corti urganizata da u cullettivu parlemu corsu cù 70 associi di tutta a Corsica. Perchè un populu senza lingua hè un populu senza vita, è chì ogni ghjornu si spenghje un corsofonu senza ch’ellu ne nasci un altru, sarà più chè mai impurtantissimu di mubilizassi per chì a lingua seculare di st’isulella ripigliessi u statutu ch’ella merita. Giovani, vechji, ghjente di tutti i rughjoni è di tutte e tindenze, demu tutt’inseme i mezi à u nostru populu d’ammaestrà u so destinu linguisticu. LINGUA CORSA, LINGUA VIVA !

Ghjuventù Indipendentista : U scopu di a Ghjuventù Indipendentista hè di dà i mesi à u Populu Corsu di purtaci versu l’Indipendenza. Mà esse indipendente ùn serebbe micca una vittoria se a nostra lingua smarisce. È ghjè per quessa chi c’impignemu per a so salvezza, per via di a so ufficialisazione. Frà parechje altre azzione in stu sensu, u Cullettivu Parlemu Corsu urganiseghja stu marti 2 d’aprile una festa rivindicativa nant’à u Campus Grossetti, à l’Università di Corsica. Cume parechji associi, chjamemu i nostri militanti è u Populu Corsu sanu à participà à sta serata, per una sucietà bislingua. A nostra cuscenza ghjè RESISTENZA Lotta ghjuventù l’avvene sì tù

« Inseme per a Corsica chjama à participà à a festa rivindicativa organizata da u « Cullettivu Parlemu Corsu » u marti 2 d’aprile, in Corti. L’ogettivu pruseguitu da u cullettivu di custruì una sucetà bislingua, hè una primura maiò di u nostru muvimentu. L’organizazione di ‘ssa manifestazione per rivendicà i strumenti necessarii à l’elaburazione d’una sucetà bislingua deve fà a dimustrazione di a nostra brama cullettiva d’ottene i mezi indispensevuli à a salvezza di a nostra lingua, à a so prumuzione è à a so evuluzione ind’a nostra sucetà. Dumandemu dunque à tutte e persone primurose di l’avvene di a nostra lingua, d’esse prisente à st’evenimentu pupulare maiò, per fà sente e nostre voce, à l’ora induv’elle si chjodenu tutte e porte d’un avene linguisticu differente. A nostra lingua hà u dirittu di campà ! »

L’Associu di l’Insignanti di Lingua è Cultura Corsa serà à latu à u cullettivu “Parlemu Corsu”, stu marti 2 d’aprile in Corti, per a ghjurnata maiò di mubilizazione rivendicativa è festiva à prò di a lingua nustrale. L’AILCC chjama tutti i so adderenti è, aldilà, tutti quelli primurosi di difende una sucetà plurilingua, aperta è spannata d’arricà u so affollu à a mubilizazione. À l’ora induv’è u Presidente di a Republica rinnega e so prumesse nant’à a zifra di a cartula di e lingue minuritarie eurupea, induv’ellu si cerca u più largu cunsensu da materializà l’avanzate bramate da l’opinione publica nant’à a cuuffizialità, si tratta di palisà a forza serena è demucratica chì intende di fà sbuccà, infine, e nostre aspirazioni cusì leghjittime.

Rinnovu Naziunali chjama à participà à a granda serata culturale in Corti, u 2 d’Aprile urganizata da l’associu « PARLEMU CORSU ». Allora chi l’elleti di l’Assemblea di Corsica si so prununciati per a « cuufficialità » , u Guvernu francese ha decisu di rinnuscia à a prumessa di campagna di u so presidente di ratificà u Cartulare Auropeu di e Lingue Minoritarie. In Francia ghje a tenostruttura di u Statu chi cummanda , vale à dî u Cunsigliu di Statu, è u Cunsigliu stituziunale. U Guvernu un’ha mancu cercatu à riunisce una maghjurità per u Cungressu, è quelli chi hanu vutatu per stu canditatu François Hollande, per via di sta pruposta di ratificazione, elli, so traditti. A Francia ghje u paese u piu archaicu d’Auropa, è nega a vulunta demucratica di i Corsi, ma dinù di i Brittoni è i Baschi, è ghje un gattivu segnu per e pruposte di riforma purtati dà l’Assemblea di Corsica. Si deve riflette à e cunsequenze di ssa negazione di i nostri diritti, a mubilisazione di i Corsi, cume quella di Marti, per fà campà a lingua corsa so disgia una risposta populare maio.

U PNC-Ghjuventù : Serata rivindicativa di u Cullettivu Parlemu Corsu, marti u 2 d’aprile in Corti !!  U PNC-Ghjuventù v’invita à participà a sta stonda di gioia, di cantu, di spartera è di spera : « O Corsi, a nostra lingua hè u nostru dirittu ! ». Sustinemu issa dimarchja !!! Tutti in Corti marti u 2 d’aprile !!

A cunsulta di a Ghjuventù Corsa : Chjamemu l’inseme di i stratti di a sucetà Corsa à participà à u cuncertu eccezziunale stu marti (u 2 d’Aprile) à partesi da 8 ore di sera in Corti (Campus Grimaldi). A prisenza di i gruppi corsi i più anziani è i più famosi v’assicura una serata di spartera in giru à a lingua nustrale. Per pudè ottene una sucetà bislingua è per fà campà a nostra lingua, venite numarosi sottu à u tendone di Parlemu Corsu. Ramintemu chì a nostra indiatura si scrive à traversu a difesa di a lingua è di a cultura isulana. Di fattu, u sindicatu a Cunsulta di a Ghjuventù Corsa (C.G.C) lutterà sempre per pudè mantene l’insignamente di a lingua è di a cultura corsa di manera ubligatoria. L’Università, stu locu d’emancipazione di a nostra ghjuventù deve esse un mezu di travagliu bislinguu, un mezu di travagliu induve a ghjuventù corsa si ricunnosce culturalmente. Una lingua viva annantu à i campi di l’Università avantaghjerà propiu i scambii culturali tra i studienti. Dà a pussibilità à a ghjuventù di parlà è d’amparà a lingua corsa ferà di u populu corsu, un populu bislinguu. A salvezza di a lingua deve passà da un statutu di cuufficialità, ghjè per questa raggione chì a C.G.C participeghja à l’avenimentu di u cullettivu « Parlemu Corsu ».

Dr Edmond Simeoni : Le 2 Avril, à l’Université Pasquale Paoli, à 18 heures 30, à Grossetti, Parlemu Corsu organise une grande fête revendicative en faveur de la langue corse. Groupes culturels historiques, associations, chanteurs, se réuniront pour exiger la co-officialité, vers le plurilinguisme. Il faut cesser de ronronner : l’heure està l’engagement car l’Etat reste fermé au dialogue. Aoi chi ghjè ora !!!  Réaliser cette fête est un défi, construire une société bilingue encore plus! Soyons prêts à nous engager! Nous lançons donc un APPEL À MANIFESTER Manifestons…en faisant une FĒTE REVENDICATIVE! Festa rivindicativa di Parlemu corsu Marti u 2 d’Aprile à 8 ore Tutti in Corti 

U Partitu di a Nazione Corsa (PNC) v’invita à participà à a festa rivindicativa di u Cullettivu Parlemu Corsu, marti u 2 d’aprile in Corti Purghjimu u nostru sustegnu à a dimarchja indiata da u Cullettivu « Parlemu Corsu » è chjamemu à tutti, da a giuventù in brama di parlà a so lingua à i militenti di sempre à fà festa cù noi, per a Lingua Corsa, marti chì vene in Corti. Sta serata festiva è rivindicativa, ch’ella sia dinò una tappa maiò di e nostre primure, nant’à a strada di a salvezza è di a prumuzione, à nome di l’idea oramai cumuna d’una sucetà bislingua aperta à u plurilinguisimu. Cusì chì e mosse chì ci anu purtatu sin’à oghje pratendenu à un statutu d’ufficialità, cum’ellu esiste in tante regione d’Auropa. U PNC v’invita à sta stonda di gioia, di cantu, di spartera è di spera : « O Corsi, a nostra lingua hè u nostru dirittu ! ».

Femu a Corsica chjama à participà à a festa organizata da u « Cullettivu Parlemu Corsu » u marti 2 d’aprile, in Corti

Corsica libera appelle tous ceux qui se reconnaissent dans sa démarche à participer à la manifestation festive pour une société bilingue, organisée le mardi 2 avril à Corti par le collectif Parlemu Corsu. Venite numarosi !

Vos Réactions, vos commentaires sur Ce forum ?

Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale] Vous aimez cet article ? Faîtes-en profiter vos amis !

 

Produit CORSU E RIBELLU

bandeauribelluteeshirt (1)

Produits à partir de 13e

error: