(Corsicainfurmazione.org, Unità Naziunale, Publié le 15 novembre 2025) 38 ans après, la mémoire de Battì Acquaviva, est saluée par l’ensemble du « mouvement national ». Ce militant du FLNC, tué par un colon français sur une opération clandestine, alors qui lui tournait le dos.
Carlu Pieri · O Batti passanu l’ore, i mesi è l’anni. Passanu dapoi maghju 84, eramu in 84, so più di 40 anni è eramu 4, 4 amichi, 4 machjaghjoli, eppoi ti ne si andatu in sta notte di nuvembre 87.. Noi simu sempre qui à fighjula passa tutti quelli chi a l’epica ci fughjivanu…. U tempu passa, Batti è t’abbracciu fratellu.
Jean-Guy Talamoni, ancien Président de l’Assemblée de Corse · « À tè l’eterna gloria… » Riposa in pace, amicu caru.
Josepha Giacometti Piredda, conseillère territoriale Nazione à l’Assemblée de Corse · « À noi d’ùn lacà travià È d’ùn pienghje à mille voci U tempu hè fiume ùn ci vole à fà Ch’elle s’ingorghinu le foci À tè la Corsica Regina À ella tù »
Core in Fronte · In memoria di Ghjuvan Battì Acquaviva, cumbattente di u FLNC, tombu in azzione militente da u culunialistu francese Roussel, u 15 di nuvembre di u 1987 à U Querciolu. U sensu di a Lotta di Liberazione Naziunale era in u visu di Ghjuvan Battì Acquaviva. Ricordi fidi pè un omu dirittu.
Paul-Felix Benedetti, conseiller territorial Core In Fronte à l’Assemblée de Corse · In mimoria di Ghjuvan Battì Acquaviva, patriottu corsu è militenti di u FLNC, tombu u 15 di nuvembri di u 1987 in Querciolu. U sensu di a noscia lotta è i spirenzi di u nosciu populu erani in Ghjuvan Battì.
Ghjuventù Indipendentista · Una sera di u 15 di nuvembri di u 1987 unu di i nosci fù tombu da u culunialisimu francesu. Ghjuvan’Battista Acquaviva, ghjovanu impignatu in a lotta di libarazioni naziunali, par a so tarra è u so populu.
Ghjuventù Paolina · IN MEMORIA In memoria di Ghjuvan Battì Acquaviva, militante di a lotta di liberazione, tombu in azzione u 15 di nuvembre 1987 à U Querciolu.U so curagiu, a so dirittura è a so fede prufonda in a difesa di a nostra terra l’anu fattu un simbulu di l’impegnu sinceru. Ghjuvan Battì rapresentava quella ghjuventù pronta à dà tuttu per u so populu è a so libertà. Oghje cum’è eri, u so nome ferma ligatu à a memoria cullettiva è à a dignità di a nostra lotta.Ùn ci scurderemu mai di st’omu d’onore.
Voce Naziunale · U 15 nuvembre di u 1987, Ghjuvan Battista Acquaviva hè statu tombu da u culone Louis-Ferdinand Roussel. Avia fattu a scelta di a lotta clandestina per difende u so paese. Cumbattente di u FLNC, militante naziunalistu, hè mortu per a patria. « À tè l’abbracciu di sta terra, À i purtelli di a notte, Quandu si tace ogni guerra, È s’aprenu le centu porte. À tè la Corsica Regina »
Associu Sulidarità · « Ghjuvan Battì era libaru cum’è l’acula chì arieghja à mezu celi, beddu cum’è una parsica prumaticcia, tamantu cum’è un brionu eternu. Era sta passioni chì t’insignava, in u to cori, chì eri prontu, ad ogni ora di u movitu di u to sangui, à sdrughja a to vita, accurdendu u to pinsamentu è a to azzioni. » Rinatu Coti.
Aiutu Paisanu · In memoria di Ghjuvan Battì Acquaviva, militente di u Fronte, tombu u 15 di nuvembre di u 1987.
STC CAB · 15/11/87 – 15/11/25 : Ghjuvan’ Battista Acquaviva, eroe ab’eternu… « E to parolle linde A veghja à lu fucone L’assenze so ferite Ti cercu amicone Emu spartutu u pane Periculi è onore O BATTÌ cun tè dumane Fratellu vogliu corre. Ma la to risa canta E schiatta cum’un fiore Chì u dulore pianti E sbucci l’amore Chì u furore pianti E sbucci l’amore »
Paul-André Colombani, Député de la Corse · Salutemu oghji a memoria di Ghjuvan Battì Acquaviva, cascatu 38 anni fà, u 15 di nuvembre 1987, in U Querciolu. Patriottu di core, suldatu di a so tarra è di u so paese, Ghjuvan Battì hà tenutu sti valori fin’à l’ultimu fiatu.
PNC – Partitu di a Nazione Corsa · 𝗔̀ 𝗚𝗵𝗷𝘂𝘃𝗮𝗻 𝗕𝗮𝘁𝘁𝗶𝘀𝘁𝗮, 𝘀𝘂𝗹𝗱𝗮𝘁𝘂 𝗱𝗶 𝗮 𝗻𝗼𝘀𝘁𝗿𝗮 𝘁𝗲𝗿𝗿𝗮 – 1987-2025 : 38 anni fà… Stu ghjornu di ricordu porta sempre u pesu di u dulore. Una ferita chì pè u sempre firmerà in a memoria naziunale.
Saveriu Luciani, conseiller territoriale PNC à l’Assemblée de Corse · À Ghjuvan Battista, suldatu di u populu … 1987-2025: 38 anni dopu à sta morte tragica in piaghja casinchese, a storia corsa si ricorda d’un patriottu chì ferma un simbulu di e nostre lotte di populu. Tristu anniversariu d’un fattu dulurosu sempre vivu in a memoria naziunale è militente, ma privu anch’ellu di a ghjustizia è di a verità à quale omu pratende, per ellu è per tant’altri. Nant’à sta strada longa è straziata, viaghja sempre a Causa di a so indiatura, à bandera in manu. Dice à e generazioni giovane chì u più primurosu di i duveri, aldilà di l’omagiu resu, ùn serà solu d’alistinà e date di a fatalità, ma d’ùn perde l’oramai di u tempu à vene… A ci canta sta puesia di Ghjacumu Thiers … « … À isse curone d’acetu Di Balagna chì ti lagna L’ansciu di una cialamella Ci hà appesu una spiranza … »
Partitu Femu a Corsica · U 15 di nuvembre di u 1987, Ghjuvan’Battì Acquaviva cascava à l’età di 25 anni, tombu da una manu vigliacca. Passanu l’anni ma ferma vivu è forte u ricordu di stu ghjuvanottu sputicu, impegnatu sin’à u sacrifiziu pè a so terra, u so Populu, u so Paese. In memoria.
Femu Ghjuventù · Ghjuvan’Battì Acquaviva hè statu tombu, u 17 di nuvembre di u 1987, da u culunialisimu. Avia 27 anni è a brama di custruì un Paese vivu è liberu. Ci hà lasciatu a vita in a so lotta. Ghjuvan’Battì ferma un esempiu di sincerità è d’indiatura pè a Nazione.
Jean-Félix Acquaviva, conseiller territorial Femu A Corsica à l’Assemblée de Corse · « Quandu l’incendiu marinu face fronte à u bughju neru, tù giovanu clandestinu, pien’ di curagiu è sinceru, in le to faccende d’onore, sè cascatu da guerrieru…. ….È si dumane stu populu di libertà un hè privu, poi ch’ellu ripigli fiatu, diventendu forte è vivu, induva tù sè cascatu ci piantatemu un alivu » A ghjustizia è a verità vinaranu ancu per ellu. A Ghjuvan’Battista Acquaviva. 15 di Nuvembre di l’87.
Fà Populu Inseme – Assemblea di Corsica · U 15 di nuvembri di u 1987, Ghjuvan’Battista Acquaviva hè statu tombu à u fior’ di l’età, purtatu da un’ideali di libartà è di ghjustizia pà a Corsica. 38 anni dopu, a so mimoria è u so impegnu fermani vivi in cori di u Populu corsu. À eddu, a Corsica Regina.
Rinatu Coti · Era in finiscenda 1996 chì ci semu accolti uni pochi in casa à Mauriziu Acquaviva da appruntà una publicazioni in onori à Ghjuvan’ Battista Acquaviva. Di quiddi chì c’èrani tandu sò morti Mauriziu Acquaviva, Antone Acquaviva (dittu Marzu di Niolu), Vincenziu Stagnara, Lisandru Bassani… Si circava un ritrattu da metta in cuprèndula. Ma Mauriziu dissi chì Ghjuvan’ Battista ùn si lasciava ritrattà. Fatta fini ni scruchjò unu di quandu Ghjuvan’ Battista cuddava in muntagna, eserciziu chì li piacìa assai. Ancu in casa c’era un cantu dundi nantu à un muru c’èrani i scaffi vulsuti da esercitassi ori è ori, sempri solu. Faci chì, sintendu à Mauriziu è videndu u ritrattu mi vensi di sutrattu u tìtulu chè pruposi : L’ETERNU SGUARDU. U sgardu di Ghjuvan’ Battista era Corsica, intreva, intatta, vèrghjina. A publicazioni hè sciuta di nuvembri 1997 à l’Edizioni Sumente, stampata da Siciliano in Aiacciu. Com’è monda altri, longu i sèculi, chì mi veni u tremu, funu è funu è funu, è sò è sò è sò, Mattista, Marcumarìa, Preti Circinellu di Guagnu, Stefanu Cardi, Ghjuvan’ Battista Acquaviva, Massimu Susini, Yvan Colonna… Ùn ci sò tutti, chì stani à codafila, corpi gluriosi, in u SGUARDU ETERNU chì ama Corsica, ochji di sangui, salmi di marturati, ma corpi indòmiti, luminosi in a peghju bughjura. Rinatu COTI 15 11 2025
Produit CORSU E RIBELLU
