« A MOSSA PAISANA porta u so sustegnu a sta famiglia di pastori e si tene pronta a tutta discussione »

(Corsicainfurmazione.org, Publié le 18 mai 2025) Torna una volta una struttura d’esempiu di travagliu hè stata culpita da u scimughjine umanu.

Ind’un spiritu d’appacciamentu, di riflessione e di riscossa cumuna, ferma sempre una questionne … Chi mudelu di sucetà vulemu lascià per i nostri figlioli e è generazione à vene ? A prublematica si pone nantu à a produzzione, à gestionne di l’acqua per producce a listessu valore e in qualità, faccia à ciò chi ghjunghje in Corsica. Si pone dinò nantu à sperenza di l’omi di a terra, quelli chi campanu ancora incù a natura cum’è a facianu i nostri antenati sperendu a un avene menu cumplicatu. A tarra corsa a bisognu d’esempiu di travagliu, e un hè micca l’esempiu di i malfatori chi ci permetterà di campà in pace. A visione pulitica deve capisce chi u prughjettu di purtà un autunumia alimentaria, deve passà per e strutture di l’acqua per producce, senza mai oppone e filiere e l’omi. A MOSSA PAISANA porta u so sustegnu a sta famiglia di pastori e si tene pronta a tutta discussione, azzione o aiutu per mustrà chi a nostra forza ferma l’unione di l’omi di a terra per campà incù dignità …. nantu A NOSTRA TERRA. A MOSSA PAISANA