« Nazione dumanda à i so militanti è simpatisanti di vena numarosi par adduniscia si davanti à a Capedda in Carghjese à a chjama di i so fiddoli » -#Corse

(Unità Naziunale – In Mimoria – Publié le 20 Mars 2024) Ghjovi u 21 di marzu di lu 2024 | Veghja in Carghjese à 7ori è mezu di sera.U 21 di Marzu 2022 hè una data maladetta stampata in la noscia mimoria cummuna.
Dui anni fà, un fiddolu di a noscia Tarra, Yvan Colonna si n’andò à l’eternu culpitu da i so feriti par seguita di una agrissioni barbara in la Prighjoni francesa d’Arles da l’islamistu radicali Franck Elong Abé.
A viulenza di l’assassinatu d’Yvan hà missu di risaltu i rispunsabilità di u Statu, di a Ghjustizia è a vigliaccaria di u sistema carcerali francesi.
St’azzuffu murtali arricaia spaventu in a Corsica sana è u Populu Corsu mughjaia a so ira iniziata da a ghjuventù in li carrughji.
Pastori, patriottu di stintu è appassiunatu suniaia à una Corsica discitata è libarata….fimarà in sempiternu u simbulu di una vita sacrificata, sradicata è marturiata da l’inghjustizia culuniali.
Da u so paesi di Carghjese à u Monti Barbatu, sin’à l’ultimu funestu locu carciarali, Yvan si hè fattu sintinedda è u so ricordu un fanali mai spentu par tutti i Corsi.
Oghji, u Populu Corsu s’inclina cun rispettu, dignità è fedeltà davanti à a so mimoria.
Nazione dumanda à i so militanti è simpatisanti di vena numarosi par adduniscia si davanti à a Capedda in Carghjese à a chjama di i so fiddoli à 7 ori è mezu di sera è par quiddi chì sò troppu alluntanati da participà à i veghji urganizati in Corsica in umaghju à u nosciu frateddu Yvan da ramintà si quiddu tristu ghjornu di dolu.
U to surrisu firmarà una surghjenti mai stanciata da annacquà i nosci lotti.
À tè l’abbracciu di sta terra
Ghjustizia è verità
È Fora a Francia
GTY
Ab eternu
Nazione

Produit CORSU E RIBELLU

bandeauribelluteeshirt (1)

Produits à partir de 13e

error: