Stu mercuri in Corti si tenerà a nostra manifestazione chi purterà parechje rivindicazione: u statutu di residente, u statutu fiscale, a cuufficialità di a nostra lingua è, ben’sicura, l’amnistia per i patriotti incarerati è ricercati.
Parlendu d’amnistia, cume a sapete, oghje hè a Ghjurnata Internaziunale di i Prighjuneri Pulitichi. Sparteremu ind’a ghjurnata a nostra cuntribuzione à st’evenimentu, è pò metteremu in linea una petizione di a Cuurdinazione Per Una Via Pulitica, dumandendu st’amnistia. Vi la feremu dinù firmà u 22 d’aprile à a manifestazione.
Ramintemu dinù ch’ùn fermanu chè pochi ghjorni per participà à u nostru cuncorsu d’affissi, avete sin’à u 19 per mandacci e vostre pruposte.
Sta manifestazione serà l’uccazione di difende a nostr’identità, i nostr’impiechi, a nostra terra, di difende i diritti d’un Populu chi vole campà è chi camperà.
V’aspettemu numarosi per aiutacci !
Facenu dui’anni chi l’Assemblea di Corsica hà vutatu à prò d’avanzate impurtante, dui’anni chì a Francia nega sti voti, ch’ùn ci manda cum’è risposta chè a ripressione. Femula finita ! Hè ora di custruì stu rapportu di forza !
Per una suluzione pulitica, tutt’in Corti u 22 d’aprile à 2ore di u dopu meziornu annant’à a Piazza Paoli !
A nostra cuscenza hè RESISTENZA !
Lotta ghjuventù l’avvene sì tù !
GHJUVENTU INDIPENDENTISTA
Produit CORSU E RIBELLU
