marti u 17 di ferraghju à 2 ore dopu meziornu à u palazzu di ghjustizia di Bastia parechji ghjovanni patriotti hanu da esse ghjudicati per via di incidenti accaduti di maghju 2013.
A l’epica c’hè statu una mossa di sustegnu à militanti naziunalisti, frà i quali Niculau Battini militante GI è Stefanu Tomasini dopu arrestazione per una vittura lampata indè a sottuprifettura di Corti. Ci sò stati dunque affronti trà e forze di l’ordine è ghjenti chì sò venuti à sustene l’interpellati.
Malgratu voti à l’assemblea di corsica s’aspeta sempre un veru rigulamente puliticu; A soluzione technica di a culletività unica un po esse a soluzione. Un vale à vene di fà un riferendu per una riformuccia cusi, u veru referendu sarebbe à a fine di a strada di u rigulamentu di u cunflitu un referendu d’autodeterminazione. Per avà, prigiuneri pulitichi ùn sò stati avvicinati in Borgu è a repressione pulitica cuntinueghja, prova n’hè stu prucessu.
Rinnovu naziunali sarà raprisentatu par purtà u so sustegnu à i militanti di a Ghjuventù Indipendentista è à l’altri giovani ghjudicati À U PALAZZU DI GHJUSTIZIA MARTI U 17 DI FERRAGHJU À 2 ORE DI U DOPU-MEZIORNU.
U RINNOVU NAZIUNALI
Produit CORSU E RIBELLU
