(Corsicainfurmazione.org, Unità Naziunale, Publié le 5 mai 2026) Cinquante ans après les premières mobilisations nationalistes corses, ce texte du PNC, réaffirme la continuité d’un engagement né dans les années 1970 pour la dignité et les droits du peuple corse. Il évoque la naissance d’une conscience collective face à la domination, devenue aujourd’hui un héritage vivant, toujours en mouvement.
Le combat est présenté comme inachevé, marqué par des sacrifices, mais porté par une volonté intacte de préserver la langue, l’identité et d’aboutir à l’autodétermination.
Scrianzatu
Le communiqué du PNC avec prière d’insérer : 50 anni… Cinquanta verani è tamantu solcu tracciatu, chi ferma à suminà pà a Corsica d’oghji è di dumani. Oghji si sceta a storia. Parchì semu di quissi, di sta leva sittantesca, palisendu tanti pratichi chi andaianu à l’incontru di a dignità d’un populu. In u bughju di quidda nuttata di maghju s’alzò un ribombu patriottu, quiddu ricusu di u farru di a suttumissioni. Cù a voci patriotta chì svighjò tandu cuscenzi addurmintati da u morsu culunialistu. À principiu erani una manata à bramà stu soffiu di libertà. Ma oghji locu sempri stu vintulellu chì faci mova i frondi di l’anticu arburonu di a Nazioni Corsa. Quiddu custattu palisatu 50 anni fà, ferma oramai d’attualità, di sta lingua affucata, sguagliendu l’estru corsu minacciatu di spariscia in tarra soia. Noi, u Partitu di a Nazioni Corsa, ùn smintichemu nudda di st’impegnu, quiddu impegnu militanti pienu, tanti volti duru è dulurosu pà tanti famiddi corsi. Sò parechji i nosci militanti ch’ani purtatu a so indiatura schietta à l’orma naziunali, quidda chì nimu pudarà smattà. In sti tempi cummemurativi, di sicuru salutemi dinò, cù rispettu è emuzioni, a mimoria di sti suldati di u Fronti, cascati par chè noi campissimu da corsi libari in tarra soia. Maghju di u 2026 ricorda à tutti ch’edda ci hè sempri una strada, quidda di i lotti ch’ùn hè anc’à compia. Chi ci ferma oramai tanti è tanti paghjini à scriva, à nomu di a libartà bramata, nant’à u libbronu di l’autodeterminazioni di u populu Corsu.
Produit CORSU E RIBELLU
