(Corsicainfurmazione.org, Publié le 20 aout 2025) U 22 d’aostu Ci anu da esse e cummimurazione di i 50 anni di l’avvinimenti d’Aleria, urganizate da l’Associu « Aleria 75 » chi vulemu salutà u travaglione fattu.
Luntanu da una esaltazione passeista, Aleria simbulizeghja par noi a capacità di u Populu corsu à arrizzà si di pettu à l’inghjustizia, u culunialisimu, a sparizione prugrammata è a sottumissione di i so zitelli.
Ghjè in la perspettive di un avvene bellu è degnu èdia ricunniscenza di i diritti imprescrittibili di u Populu corsu ch’ellu hè scrittu u nostru cumbattu.
Aleria ne custitueghja una tappa essenziale chi ci ubligheghja quant’è ci dà a forza da avvià a nostra azzione cuttidiana à u sirviziu sclusivu di i Corsi.
In quellu solcu, cù a cuscenza chjara di a Storia passata, di l’annegazione è di i sacrifizii di e donne è di l’omi chi l’anu fatta, di e sfide attuale pà assicurà a vita di u Populu corsu, l’eletti di u gruppu Fà Populu Inseme, saranu prisenti à e cummimurazione di i 50 anni di l’avvinimenti d’Aleria.
L’eletti di u gruppu Fà Populu Inseme
Produit CORSU E RIBELLU
