(Corsicainfurmazione.org,publié le 20 mai 2025) « A ripressione un hè è un serà mai una soluzione à a questione naziunale corsa » Sta mane, à l’alba, i servizii di a SDAT ani arristatu militante naziunalisti in Cismonte.
Issa pulitica ripressiva ùn hè micca accittevule, chì và direttamente à l’incontru di u spiritu di u prucedimentu trà a Corsica è u Statu chì deve sbuccà nantu à l’autunumia è una soluzione pulitica pè u nostru Paese. Hè ancu più inaccettevule in u cuntestu d’incertezza è di cunfusione attuale ch’ellu cunnosce u nostru Paese, cù a multiplicazione di malfatte chì toccanu l’arnese di travagliu di Corsi. A ripressione ùn hè è ùn serà mai una soluzione à a questione naziunale corsa. Chì l’interpellati torninu in Corsica è ind’è e so famiglie è chì u presente è l’avvene di a Corsica si scrivinu ind’è a pace è l’emancipazione.
FEMU A CORSICA
Produit CORSU E RIBELLU
