(Unità Naziunale Publié le 8 février 2019) A Ghjuventù Indipendentista porta u so sustegnu à l’eletti catalani ghjudicati per avè urganizatu un referendum cuncernendu l’indipendenza di a Catalogna.
U prucessu principierà stu marti è durerà tuttu u mese. Sò una decina i dirigenti catalani à passà in prucessu per ribellione. Risicheghjanu sin’à 25 anni di prigiò !
Ramintemu chì durante u scrutinu, a pulizza spagnola s’era fatta rimarcà per a so viulenza strasurdinaria contr’à quelli chì andavanu solu à vutà.
Palisemu l’attitudine di i paesi aurupei, è soprattuttu di a Francia nant’à stu scandalu. Dinunzianu a dittatura à u Venezuela, ma chjodenu l’ochji nant’a situazione in Catalogna.
D’altronde, ind’è a seguita di a nostr’azzione di u mese di sittembre 2017 chì purtava u nostru sustegnu à u refenredum, chjamemu a ghjente à participà à a mossa di sustegnu urganizata stu sabbatu in Aiacciu davanti à a prefettura, à 10 ore è mezu di matina.
Visca Catalunya !
GHJUVENTU INDIPENDENTISTA
08/02/19
