#Corse – A dilla franca. U bisognu abbatte a lege

U mare ùn hè ancu à siccà. È ben chì sti pochi tempi a cuntinuità territuriale ùn ci sia mai parsa cusì scuntinua, parà si cù a fruntiera turchina, hè forse una bona qualchì volta, da risparmià ci d’unepochi di castichi.

logo corsematin2011Chì dapoi un annu oramai infracichiscenu e Puglie di l’Italia è tuttu u so circondu. U batteriu Xylella Fastidiosa ci hà fattu u so nidu. Ferma u spettaculu di l’ogliastri chì si ne morenu pian’paninu è di un’ecunumia à caternu. È si sà chì e fune longhe diventanu serpi. Tandu sì, u batteriu ci puderà dà fastidiu. Chì oghje ghjornu a ricerca ùn hè ancu capace à distrughje lu. Di listessa manera, i puteri publichi ùn ponu attestà ch’ellu ùn francherà i limiti di u locu cundannatu. S’ammenterà marti chì vene, in Corti, u periculu di pettu à l’isula.

Chì a Corsica ferma sempre impronta di sperienze affannose. S’arricorda omu di un tempu chì ottobre sentia e castagne. Nanzu à un macellu chjamatu cynips. Oramai sente arrustitu. È si pò omu dumandà chì senteranu li mesi di a prussima stagione. Chì l’ore a sanu longa. Oghje solu i ricordi caghjanu. In u frattempu si sparghje u batteriu cù una pazienza urtulana. Lascia a traccia di i so passi. È intantu si lampanu e cunfine.

LIRE LA SUITE SUR CORSE MATIN

Produit CORSU E RIBELLU

bandeauribelluteeshirt (1)

Produits à partir de 13e

error: