« Pè u rispettu di a demucrazia in Corsica ! » Petizione di a Ghjuventù Indipendentista

L’Assemblea di Corsica hà vutatu st’ultime 2 anni misure forte, indispensevule à a salvezza di a Corsica è di u so populu :

logo ghjuventuindipendentistalogo2013– U statutu di residente da riservà a prupietà immubiliare à e ghjente chì stanu in Corsica dapoi più di 5 anni, ind’u scopu di fà calà i prezzi di l’immubiliare è di fà piantà a spicculazione ;
– A cuufficialità di a lingua corsa chì permetterà à sta lingua di campà à paru à u francese ;
– U statutu fiscale corsu chì ci darà a pussibilità d’ammaestrà a nostra fiscalità, di pett’à e specificità ecunomiche è demografiche di l’isula, dop’à u prublema di a fine di l’arresti Miot ;
– È infine, un Pianu d’Accunciamentu è di Sviluppu Durevule di a Corsica hè statu adduttatu da st’Assemblea.
Tutte ste misure sò state purtate da una larga maggiurità. Sò state dumandate dinù in carrughju da i corsi parechje volte.
Ma ùn sò ancu appiecate chì u Statu ricusa di manera sistematica di mette in ballu ste misure vutate demucraticamente da i nostr’eletti.
Anti custituziunalità, falze incompatibilità cù u dirittu auropeu o francese… Tutti l’argumenti sò boni pè ricusà di sente e dumande leggitime di i nostri raprisintati.
Avà, ci vole ch’ella piantessi prestu sta situazione chì ne dipendenu a salvezza pulitica di a Corsica è a pace suciale.
Lampemu una chjama à u populu corsu, à u Statu francese è à a cummunità internaziunale pè dinunzià a denegazione di a demucrazia chì tocca oghje a Corsica è u so populu. Sta denegazione hè criminale, ci vole chì u Statu accittessi infine ste misure vutate legalamente è rispettesi infine a demucrazia.
Cuntinuà inde st’attitudine di blucchime permanente sarebbe nunda altru ch’è una chjama à a rivolta.

Ghjuventù Indipendentista

PETITION

Produit CORSU E RIBELLU

bandeauribelluteeshirt (1)

Produits à partir de 13e

WP2Social Auto Publish Powered By : XYZScripts.com
error: