Sò avà parechji anni chì u ventu hè giratu. Ma a Corsica, chjappa trà u soffiu regiunalistu è una Republica malata, hè sempre à undighjà.
In stu mese di sittembre, u misincu naziunalistu U Ribombu hà cacciatu in prima pagina « Corsica Libera a gagné la bataille des idées ». È à dilla franca, vistu cum’elli si sbucinanu l’affari dapoi qualchì annu, ci pò omu accunsente. Chì, più o menu, u prugramma di u muvimentu indipendentistu – chì face 10% di i voti à u più – hè in core à e riforme cherse da a CTC : ufficialità di a lingua, statutu di residente, trasferimentu di a fiscalità, riforma di a Custituzione…
È à le volte hà ancu fattu di modu chì e so idee sianu in qualchì manera puliticamente currette, cum’è a cuufficialità. Chì quelli chì oramai ùn sò à favore parenu d’esse contr’à a lingua.
Sti pochi anni, s’accorge omu chì u discorsu di u muvimentu hè cambiatu. Nant’à a forma. Chì forse n’avianu una techja di vede l’autunumisti corsi – o l’indipendentisti scuzzesi, ùn si sà – caccià ne i frutti per via d’un campu lessicale più lindu. È à questi quì li stava cum’è un 51 in l’acqua.
Lire la suite sur CORSE MATINProduit CORSU E RIBELLU
