(Corsicainfurmazione.org, Unità Naziunale, Publié le 20 mars 2026) Battue au premier tour mais forte de plus de 2 000 voix, la démarche Stintu Aiaccinu revendique une ligne politique claire : indépendante, ancrée localement et résolument tournée vers l’opposition municipale.
Portée par des citoyens engagés et non des professionnels de la politique, la liste défend un projet assumé : identité corse, développement économique, sécurité et traitement sans tabou des enjeux de société. Elle critique à la fois la gestion de la majorité municipale, jugée défaillante, et l’attitude des autres forces nationalistes, accusées de division et de compromission.
Refusant toute logique d’appareil ou de consigne de vote, le mouvement appelle ses électeurs à voter « en conscience », tout en s’opposant fermement à l’extrême droite.
Stintu Aiaccinu affirme ainsi vouloir s’inscrire durablement dans le paysage politique ajaccien comme une opposition constructive, libre et fidèle à ses convictions.
Scrianzatu
Le communiqué de Pascal Zagnoli, candidat du PNC : Ajaccio, le 19 mars 2026.
Lettara à l’Aiaccini,
Prima di tuttu vulemi ringrazià l’Aiaccini ch’ani fattu a scelta di sustena l’andatura di Stintu Aiaccinu cù più di 2000 voti sta dumenica. Stu risultatu in Aiacciu ci lascia spirà una bedda capacità di travagliu è di prugressioni pà l’avvena.
A voi tutti chì ci avete sustinuti, vi ringraziemi di cori.
Issa dimarchja nova hè cumposta di donni è d’omi ch’un erani micca prufissiunali di a pulitica ma aiaccini, travagliadori, bramosi d’impignassi pà l’avvena di a nostra cità. Sò elli, i 49 donni è omi, ch’ani dati qualità è valori à sta dimarchja.
Avemi battutu a campagna micca contr’à l’altri furmazioni pulitichi ma prisintendu un prughjettu schiettu è ambiziosu. È sopratuttu, rispittendu l’altri listi è candidati.
Oghji, i risultati ùn ci parmettani micca d’essa prisenti à u sicondu giru, ma a nostra dimarchja firmarà è saremi bè prisenti nant’à u tarrenu pà difenda a nostra visioni di u sviluppu aiaccinu.
U stintu aiaccinu è a nostra visioni di l’identità, sò stati in cori di u nostru prughjettu postu chì semu primurosi di veda una cità d’Aiacciu corsa è fiera. Avemi fattu dinò a scelta di difenda una visioni di un naziunalisimu municipali apartu nant’à u mondu ecunomicu, giratu versu u sviluppu di u nostru territoriu, è ch’un avia micca a paura di parlà di sughjetti di sucità : immigrazioni, sicurità, droga…etc. Un discorsu chjaru, di rottura di pettu à a maghjurità municipali di sicura, ma dinò di pettu à l’altra naziunialisti di manca ch’un ani micca a listessa visioni sucitali di l’avvena di stu paese è di ssu populu.
A nostra dimarchja firmarà ind’u latu di l’uppusizioni municipali di sicura. Postu chì semu più chi upposti à una strategia di una cità à 100 000 abitanti, sopratuttu cù a gestioni finanziaria assai pessima di a squadra di a maghjurità municipali in piazza. Semu ancu di più upposti à a so strategia pulitica, nanzi tuttu nant’à mubilitá è l’alloghju. È cunsidaremi chì ci voli à fà ancu di più à u liveddu di u sviluppu ecunomicu è di a rivitalisazioni di u centru-cità.
Dumenica, firmarani trè listi. Di modu chjaru, vi dumandemi di mandà mancu un votu à a lista di a strema dritta francesa chì raprisenta una furmazioni pulitica nemica di a corsica è di u so populu dapoi sempri.
Pà u restu, cunsidarendu l’altra lista naziunialista semi stati assai surpresi è dillusi di a so pretenzioni è di u so disprezzu ricusendu di scuntrà ci pà avè una discussioni. Ani prifirutu niguzzià cù i partiti di a manca francesa piuttostu chì di circà à adunisci a famiglia naziunialista circhendu cumpromissi cullittivi. Allora chì si pudia circà una strada rispettendu e cuntradizzioni è parmettendu spazii di scambii. Di manera più larga l’adunita ò u sustegnu publicu ùn si poni fà à colpi di bucii, o manchendu di rispettu à l’onori di a ghjenti duranti tuttu una campagna.
Sta dicisioni pulitica di ricusà un incontru trà di noi, testimuneghja bè di a strategia missa in piazza dapoi maghju scorsu è di a vulintà chjara di lascià a nostra furmazioni pulitica in bordu di strada.
Tandu li salutemi listessa è li prighemi bona fortuna pà dumenica.
Par compia, ùn semi nè clanisti, nè capuralisti, è cunsidaremi ch’un semi micca prupietarii di i nostri voti.
Di pettu à st’analisa pulitica, lascemi libari tutti quelli ch’ani fattu cunfidenza à Stintu Aiaccinu. È cunsidarendu a diversità di quelli chì ci ani vutati, li dimi di vutà dumenica in cuscenza, è di fà una scelta in cuerenza cù i so ideii.
Par contu nostru, cunsidaremi chì una strada ci hè è l’avemi da tena.
I candidati è i militanti di a dimarchja Stintu Aiaccinu
Produit CORSU E RIBELLU
