(Corsicainfurmazione.org, Unità Naziunale, Publié le 2 décembre 2025) La question orale dénonce la francisation continue et la marginalisation croissante de la langue corse, malgré quelques mesures de valorisation.
Elle souligne le caractère colonial de certaines prises de position et l’obstacle constitutionnel qui empêche la langue d’être reconnue. LSamir Becherigui interroge enfin l’Exécutif sur la proposition d’un « service public de l’enseignement » et sur les moyens concrets de sauver le corse.
Tuninu
DUMANDA URALE DEPUSITATA DA SAMIR BECHERIGUI À NOME DI U GRUPPU VOCE NAZIUNALE
Uggettu : A francisata basta
Sgiò Presidente,
A francisata dura dapoi dui seculi è mezu ma a lingua ùn hè mai stata cusì vicina di sparì. Malgratu certe misure pigliate per mettela in u cutidianu di a ghjente, hè di menu in menu prisente in carrughju. Peghju, hè diventata un uggettu puliticu.
Aldilà, e mosse culunialiste sò sempre quì : a lettera di u Presidente di u FCPE 2A Claude Perrin, e decisione di i tribunali di impedisce di parlà corsu in l’Assemblea di Corsica…
Di pettu à ’ssa lettera propiu culunialista, ramintemu chì a lingua di a Corsica dapoi seculi è seculi hè u corsu. Nimu puderà impedì u populu corsu di fà campà a so lingua in terra soia.
Per ciò chì tocca à a decisione di i sfarenti tribunali, qual’hè chì pò impedisce à un Corsu di parlà a so lingua in la so assemblea ? U prublema hè più grande ch’è e sintenze di ’ssi tribunali. U prublema ghjè a custituzione di a Republica francese, ch’ella hè giacubina. S’ella ùn ricunosce a lingua corsa, mai a lingua serà ricunisciuta da un tribunale. A rivendicazione ch’ellu ci vole à purtà ghjè quessa. A francisata troppu hè durata…
In lu quadru di e discussione di Beauveau, u guvernu francese hà fattu una pruposta : quella di creà un « serviziu publicu di l’insegnamentu ». A delegazione di l’eletti corsi li face prò. Sgiò Presidente di l’Esecutivu, incaricatu dinù di a lingua corsa, cosa hè ? Cum’ellu hà da salvà u corsu ?
Produit CORSU E RIBELLU
