(Corsicainfurmazione.org, Unità Naziunale, publié le 29 octobre 2025) Un ancien prisonnier politique corse s’est vu refuser la levée de la mesure « finiada », l’empêchant de posséder une arme de chasse, malgré les engagements du gouvernement français.
Ce refus est perçu comme un signe de mépris et de domination persistante envers la Corse, entravant la réinsertion sociale. Les organisations « Patriotti in Lotta » et « Aiutu Patriotticu » appellent les autorités corses à agir pour mettre fin à ces mesures discriminatoires.
Question orale déposée par Mme Marie-Claude BRANCA au nom du groupe « Core in Fronte »
OBJET : PAR A DIFESA DI I DRITTI DI L’ANZIANI PRIGHJUNERI PULITICHI
Calchi ghjornu fà, in Portivechju, l’andatura « Patriotti in Lotta » è l’associu « Aiutu Patriotticu » hani missu in rilievu un novu prublema chi tocca un anzianu prighjuneru puliticu : u ricusu di squassà a misura « finiada » (impedimendu d’avè fucili di caccia). Ricusendu di squassà sta misura è ricusendu dunqua di fà i primi gesti d’appaciamentu pà accumpagna i discussioni annant’à u prughjettu d’autonomia , a ghjustizia è u Statu francesi ùn rispettani micca l’impegni piddati di frivaghju di u 2025 da u Ministru francesu di a ghjustizia chi tuccaiani i misuri « Fijait » e « Finiada », è u prublema di l’amendi. Ricusendu di squassà sta misura a ghjustizia è u Statu francesi ricusani u drittu à st’anziani prighjunieri di participà à ciò chi faci parti di a noscia manera di campà com’è a pratica di a caccia tramandata da sempri in a noscia suciità è li ricusani dunqua una vera riinsirzioni suciali. Stu ricusu com’è u ricusu di squassà u Fijait è l’amendi moscia be u disprezzu è a vulintà di suttimissioni storica da a Francia di pettu à a Corsica. S’hè vistu chi dapoi a cunfaranza stampa in Portivechju, altri asempi escini, chi mosciani l’impurtanza di stu « codici di sicurezza interna » adattu à a Francia e chi custituisci una nova inghjuria à a quistioni di l’anziani prighjuneri pulitichi corsi. L’urganizzazioni patriottichi cuncirnati hani piddatu primi iniziativi par falla finita incù sti misuri intullerevuli di scelti discriminatori chi hani par scopu di metta militanti pulitichi fora da a sucità. Di piu hè un offesa à i nosci libartà. O Sgiò prisidenti, chi pinseti di fà, solu solu o incù una rapprisentazzioni di l’insembu di i gruppi rapprisentati à l’Assemblea di Corsica par accumpagnà osinnò rinfurzà sta dumanda e ottena una risposta chjara chjara nant’à stu puntu ? Vi ringraziemu.
Produit CORSU E RIBELLU
