« Porta u so sustegnu à tutti quelli, pumpieri è paisani, chì anu luttanu, è lottanu sempre, contr’à u focu in Canavaghja »

(Corsicainfurmazione.org, Unità Naziunale, Publié le 27 octobre 2025) Core In Fronte Valle Di Golu porta u so sustegnu à tutti quelli, pumpieri è paisani, chì anu luttanu, è lottanu sempre, contr’à u focu in Canavaghja.

15 ettari sò digià stati brusgiati.
U paisolu di Costa Roda hè statu minacciatu sta notte, cù e so case è a so ghjente.
A valle di Golu hè torna una volta culpita, in pocu tempu.
L’incendiu di Canavaghja vene dopu à quelli di Bisinchi è A Vulpaghjola chì anu distruttu a nostra machja.
I nostri lochi ùn ponu esse una terra brusgiata. Devenu esse una terra viva.
U focu basta!
Core In Fronte