Associu Sulidarità : « Isaline Choury-Amalric ; Salutemu u so curaggiu è auguremu u so ritornu prestu in terra soia »

(Corsicainfurmazione.org, Unità Naziunale, Publié le 9 octobre 2025) Isaline Choury-Amalric, militante Corsa di 82 anni chì participava à un azzione umanitaria contru à u Blocus impostu da u statu d’Israele annant’à Gaza hè stata arristata da l’armata Israeliana è incarcerata.

Eredda d’una famiglia di resistenti chì hà luttatu contr’à u nazisimu è u genocidiu di u populu ebreu in l’anni foschi di u 40, Isaline hè oghje fida à e so cunvinzione è à i soii, luttendu contr’à u genocidiu di u populu Palestinianu.

Cuscenti di a situazione ind’è prigione Israeliane è di u trattamentu indegnu riservatu à quelli chì sò stati arristati nanzu à ella, dumandemu a so liberazione è quella di tutti i so camaradi.

Salutemu u so curaggiu è auguremu u so ritornu prestu in terra soia.

Libertà per Isaline è per u populu Palestinianu !
Associu Sulidarità