(Corsicainfurmazione.org, Unità Naziunale, Publié le 6 octobre 2025) Marti u 14 d’uttrovi à dui ori dopu mezziornu in Aiacciu, à u palazzu di ghjustizia, ci sarà u prucessu di Micheli Ettori, anzianu prighjuneru puliticu.
Stu prucessu mittarà in rilievu ciò chi si passa da anni e anni indé no’, incù a prisenza francesa sempri piu accrisciuta, e chi si traduci in u nosciu cutidianu incu litichi, inghjuri, e azzuffi.
I corsi sani chi u francesu duminanti voli piddà u supra in ogni locu di a vita paisana, smintichendu chi i corsi hani sempri cuscenza chi a tarra hè soia e nessun ci pò pratenda.
A tuppa par affari di caccia è di ghjacaru, chi ha oppostu Micheli à un anzianu militari francesu stallatu in u rughjoni di l’Ulmetu ha avutu par cunsiquenza chi subitu subitu, a ghjendarmaria francesa sbarca in forza incu l’armi e l’arrestanu davant’à so famidda, particularmenti davant’a so fiddulina.
Com’è sempri, postu chi l’hè cacciatori e participighja cusi à sti mumenti paisani chi sò di a noscia cultura, a ghjendarmaria l’ha cunfiscatu i so fucili di caccia… Com’è sempri hè statu subitu missu in vuardia custoghja, è chjamatu à essa ghjudicatu…
À u mumentu induva s’ampara chi ci sò sempri calchi cumuni chi pratendini par sviluppà i so loca rimetta a ghjendarmaria francesa ( !!!) e participà à rinfurzà à culunisazioni di pupulamentu, ramintemu à ogni corsu chi tandu chi firmarà una sola forza d’occupazioni prisenta par surveglià ci, ùn ci po essa appacciamentu e libartà.
Chjamemu tutti quiddi chi hani in cori e in menti u nosciu ambienti, i nosci usi, a noscia cultura, à tistimunià sustegnu à u nosciu frateddu Micheli !
PATRIOTTI IN LOTTA
Produit CORSU E RIBELLU
