(Corsicainfurmazione.org, Unità Naziunale, Institutionnelle, publié le 8 juillet 2025) Dans le cadre de la session de l’Assemblea di g Giuventù, 9 questions et 7 motions ont été déposées par les conseillers.
Sgiò Presidente,
A francisata dura dapoi dui seculi è mezu ma a lingua ùn hè mai stata cusì vicina di sparì.
Malgratu certe misure pigliate per mettela in u cutidianu di a ghjente, hè di menu in menu
prisente in carrughju. Peghju, hè diventata un uggettu puliticu.
Aldilà, e mosse culunialiste sò sempre quì. A lettera di u Presidente di u FCPE 2A Claude
Perrin, e decisione di i tribunali di impedisce di parlà corsu in l’Assemblea di Corsica…
Di pettu à ´ssa lettera propiu culunialista, ramintemu chì a lingua di a Corsica dapoi seculi è
seculi hè u corsu. Nimu puderà impedì u populu corsu di fà campà a so lingua in terra soia.
Per ciò chì tocca à a decisione di i sfarenti tribunali, qual’hè chì pò impedisce à un Corsu di
parlà a so lingua in la so assemblea ? U prublema hè più grande ch’è e sintenze di ‘ssi
tribunali. U prublema ghjè a custituzione di a Republica francese, ch’ella hè giacubina. Se a
custituzione ùn ricunosce a lingua corsa, mai a lingua serà ricunisciuta da un tribunale. A
rivendicazione ch’è ci vole à purtà ghjè quessa. A francisata troppu hè durata…
In lu quadru di e discussione di Bauveau u guvernu francese ha fattu una pruposta, quella di
creà un « serviziu publicu di l’insegnamentu ». A delegazione di l’eletti corsi li facenu prò. Sgiò
Presidente di l’Esecutivu, incaricatu dinù di a lingua corsa, cosa hè ? Cum’ellu ha da salvà u
corsu ?
DUMANDA URALE DEPUSITATA DA SAMIR BECHERIGUI À NOME DI U GRUPPU VOCE NAZIUNALE
Uggettu : A FRANCISATA BASTA
Produit CORSU E RIBELLU
