(Corsicainfurmazione.org, Lutte Institutionnelle, Unità Naziunale, publié le 26 juin 2025) Véronique Pietri, la conseillère territoriale, membre du groupe Core in Fronte, a mis quelques points sur les i, ce jeudi 26 juin, dès l’entame des questions orales qui ouvrent traditionnellement la session. (Corse Matin)
Question orale déposée par Mme Véronique PIETRI au nom du groupe « Core in Fronte »
OBJET : DI PETTU À I CULUNIALISTI, ÙN HÈ TEMPU CHÌ A CULLETTIVITÀ SI MOVE PÀ A LINGUA CORSA ?
« Comment accepter que ces enfants soient contraints de poursuivre une scolarité bilingue, réduisant davantage leurs chances de réussite ? »
Eccu un pezzu di ciò ch’eddu scrivi Claude Perrin, prisidenti di a FCPE di Corsica, in una lettara mandata à a Ministra di l’Educazioni francesa, l’11 di ghjugnu. Un iscrittu chì metti in causa, di manera chjara, u bislinguisimu, a so leghjittimità, a so generalizazioni è u pianu 2030 di u Ritturatu chì faci di a lingua corsa un sapè fundamintali. Un iscrittu chì hè una vera dichjarazioni di guerra. In u quadru di un antru sughjettu, aviati adupratu sti paroddi. Oghji, stu fattu vi devi fà riaghjiscia incù a listessa zerga è cambià d’andatura. In una mandatura cuerenti, impignata in azzioni forti pà a nostra lingua, una tali lettara ùn saria stata pussibuli. Ma oghji, stu tippu di dichjarazioni trova un tarrenu favurevuli : un tarrenu di tralascera, di silenziu, è una situazioni di fragilità pulìtica. Aveti vulsutu piglià a carica di a delegazioni lingua corsa. Ma dipoi, nunda ! In parechji uccasioni u nostru gruppu hè intarvinutu pà dumandà conti, pà prupona, pà rilancià. Ogni volta, c’aveti rispostu cù generalità, prumessi, o mezi misuri. È u risultatu si vedi. À forza di lascià u spaziu viotu, si facini strada i discorsi di paura è di rigressu. Ùn c’impunimi più, ùn ci femi più valè ! Ùn difendimi più cun forza i nostri dritti, è stu silenziu hè pigliatu pà dibbulezza. È cum’eddu dici stu dettu corsu : « À chì si faci agneddu, a volpi u si magna. » Intantu,d’altri voci si facini senta. Avemi intesu dui cullettivi : « Femula Campà » è « Parlemu Corsu » chì ani sprimatu a listessa inchiitudini. C’ani trasmessu pruposti cuncreti è rialisti, una basa seria pà avvià un veru travagliu, cù a suciità è micca senza edda. Spartini u nostru puntu di vista : a lingua hà bisognu di risposti pulìtichi forti. Emi intesu parlà d’una istanza nova, d’una cummissioni chì saria finalmenti missa in ballu. Ma sin’a oghji : nunda d’ufficiali, nunda d’attivatu. Allora, Sgiò Prisidenti :
– Davanti à a rigrissioni di a lingua, in a tupunimia, in l’abbandonu di a cartula, … in l’assalti sempri più forti contr’à i nostri dritti linguistichi, chì penseti di fà ?
– Quandu mittareti in piazza una struttura didicata, aparta, chì darà a parodda à quiddi chì travagliani ?
– Quandu dareti à a Corsica un veru signali di vulintà pulitica pà a so lingua ? Parchì quì, ùn si tratta più d’un dibattitu, si tratta d’urgenza !
Vi ringraziemi.
Produit CORSU E RIBELLU
