(Corsicainfurmazione.org, Publié le 19 juin 2025)Femu a Corsica tene à reagisce di manera ferma à a lettera addirizzata da a FCPE2A à Madama a Ministra di l’Educazione Naziunale francesa, frà u quale hè denunziatu a trasfurmazione prugressiva di e scole versu un funziunamentu bislinguu sclusivu.
Sta visione retrograda hè cuntraria à e valore d’emancipazione, di ghjustizia linguistica è di prugressu educativu ch’è no difindimu per a Corsica. Hè inaccettevule ch’è in u 2025, certe persone parlenu di a lingua corsa cum’è un frenu à u sviluppu, invece chi e scienze cugnitive, i cercatori in educazione è l’inseme di l’istituzione internaziunale sò d’accunsentu nantu à i benefizii, cugnitivi è suciali di u bislinguisimu, a lingua corsa hè un arnese putente per strutturà à riflessione, rinfurzà l’amparera linguisticu è apre u spiritu di i nostri sculari. Femu a Corsica ramenta chi l’avvene di e scole in Corsica passerà da un sistemu educativu bislinguu è immersivu rinfurzatu, strutturatu à longu andà, assicurendu à tutti i sculari un accessu uguale à a lingua corsa. Dimu à a FCPE, àuso presidente Claude Perrin è à tutti quelli ch volenu chjode i nostri zitelli in un mudellu monolinguu d’un altru seculu, dimu incù determinazione : a lingua corsa ùn hè un pesu, hè una ricchezza per fà sucetà. Chjamemu à a responsabilità culletiva : parenti di i sculari, eletti, professori, servizii academichi, per accumpagnà sta transizioneversu una scola bislingua, ambiziosa è rispettosa di a nostra identità.
Femu a Corsica
Produit CORSU E RIBELLU
