(Corsicainfurmazione.org, Unità Naziunale, Lutte de masse, Publié le 19 juin 2025) Core in Fronte hà vistu e dichjarazione di M.Perrin, rispunsevule di a FCPE, nant’à a lingua corsa in u mondu scularu.
Ciò ch’ellu hà dettu ùn hè accettevule.
Pè Core In Fronte, ste parole sò quelle di un culunialistu è di un militente di a Francia in Corsica. Puntanu un cumunitarisimu francese chì si face vivu dipoi qualchì tempu. Ramintemu à tutti i Perrin di Corsica chì ci hè una sola cumunita in Corsica : U populu corsu chì ùn hè ricunisciutu in i so diritti pulitichi ò storichi è a so lingua ne face parte. Stu spiritu culuniale ci porta 45 anni nanzu, à tempu di a CFR in Corsica, quandu certi sindicati francesi tenianu stu listessu discorsu. Oghje, ùn hè sparitu, risorge. Si face sente di più in più prufitendu di u fiascu puliticu, dipoi 10 anni, di i naziunalisti à u putere. Oghje, si move quandu si parla di soluzione pulitica ò d’autunumia pè a Corsica. Oghje, ùn si piatta più. S’appoghja nant’à una certa Diritta corsa reazziunaria chì vole ripiglià a suprana in Corsica. Piglia forza nant’à a diffusione di l’idee ghjacubbine francese di a Strema Diritta è di una Manca ripublicana, in u nostru paese, è nant’à a culunisazione di pupulamentu in Corsica incù 5000 pinzuti chì scalanu in Corsica ogni annu. I naziunalisti corsi devenu avè cuscenza di a situazione pulitica pessima di a Corsica. Ognunu deve ripiglià u sensu di e rispunsabilità è di a lotta, chì, da quì à pocu, hè l’idea stessa di a Nazione corsa chè no purtemu chì serà assaltata è cumbattuta da u partitu francese in Corsica pè fà ci sparì. Alora, nò M.Perrin, a Corsica ùn hè una regione di Francia. A Corsica era una Nazione indipendente à u seculu XVIII, tomba da u ferru è u focu da i vostri antenati. Ùn site micca in Aiacciu cum’è in altrò. A vostra piazza ùn hè più in Corsica è passeremu à dì vi, in corsu, ciò chè no pensemu di i vostri prupositi.
Core In Fronte
Produit CORSU E RIBELLU
