(Corsicainfurmazione.org, Publié le 16 mai 2025) Rapportu di l’INSEE. L’INSEE hà prisintatu un rapportu trattendu di l’evoluzione demográfica di a Corsica dapoi l’annu 1975.
Pigliemu contu di st’evoluzione, 54% di a populazione di più. Voce Naziunale tene à ramintà ch’ell’esiste una sfarrenza trà Populazione è Populu, Voce Naziunale tene à ramintà ch’à l’ora di a creazione di u nostru gruppu, avemu evucatu a cummunità di destinu, sè nò tenimu à stu principu cunstruitu in l’anni 80, pinsemu chè ci vole à ripinsà lu in a nostr’epica induve i strangeri ghjunghjenu in una logica culuniale, senza pinsà à integrassi à u nostru populu. Oghje a populazione di a Corsica cresce ogni annu mà u soldu naturale hè negativu. Sè nò vulemu esse in maiurità ind’è nò, duvemu fà di stu prublema un veru cumbattu puliticu d’ogni ghjornu. U Populu corsu hè populu di dirittu in a so terra, U Populu corsu hà una storia, una lingua è una cultura, U Populu corsu ùn serà mai sguassatu da populazione nove. A l’ora di l’avanzate cunstituziunale, l’eletti di Cursichella devenu avè cumpetenze annant’à l’immigrazione per ch’ellu campa u Populu Corsu.
Voce Naziunale
Produit CORSU E RIBELLU
