(Unità Naziunale, Lutte de masse, Corsicainfurmazione.org, publié le 14 mai 2025)Ùn si pò accità ch’un insignanti corsa sia mandata fora di a so tarra, sopratuttu quand’edda hè abilitata in lingua corsa è chì l’educazioni in Corsica manca di risorsi.
Rosa Maria Albertini, insignanti di u secondu gradu, avia da essa affettata in Corsica dopu à avè ottinutu u CAPLP specificu. Inveci, hè stata mutata in Francia, vicinu à Liò, in un stabilimentu induva hè stata vittima d’agressioni è minacci gravi. Oghji, malgradu sti cundizioni inaccettabili, u so ritornu li hè rifiutatu. L’insignanti corsi devenu firmà nant’à a so tarra, chì l’avvena di a nostra lingua è di a nostra educazioni ni dipendi. Core in Fronte ramenta a so rivindicazioni di veda a cumpetenza Educazioni trasferita à a Culletività di Corsica. Aspittendu un evoluzioni stituziunali, dumandemi a criazioni di criterii pà a Corsica, com’eddi asistani pà l’altri territorii insulari. In l’attesa di a so missa in piazza, vulemi una derogazioni d’urgenza par chì l’insignanti Corsi possini prufittà d’un sistema di bunificazioni specificu da garantiscia una gestioni adattata à i nostri rialità educativi. Salutemu a mubilisazioni di l’APC à prò di Rosa Maria Albertini, issu luni in Aiacciu. Ci tinimi à fiancu à edda è li purtemi u nostru sustegnu.
Core In Fronte
« Nous exigeons que Rose Marie Albertini soit affectée en Corse dès la prochaine rentrée » – #Corse
Produit CORSU E RIBELLU
