(Unità Naziunale, Corsicainfurmazione.org, Lutte de masse, publié le 11 mai 2025) Nazione voli riaghjiscia à a chjama à a cunfarenza di stampa di l’APC rispettu à a sorti pruffissiunali riservata à l’insignanti Rosa-Marie Albertini titularia di u CAPLP spicificu.
*Nazione cundanna cun firmezza a missa in baddu di u sistema aducativu francesu chì imponi à i nosci pruffissori un esiliu in Francia à u principiu di a so carriera. À spessu, sò mandati in zoni aducativi particularamenti difficiuli quì par undittu in lu circondu di Liò induva hà pattitu agrissioni multiformi tucchendu di i volti à a so integrità. hè tandu stata custretta à metta si in malatia spiichendu à a so ierarchia i so mutivi è a so vuluntà di stà si in Corsica. Una volta di più l’amministrazioni francesa ni hà ricusatu i raghjoni. Ancu s’è i pruffissori cunnosceni a regula di stu cuncorsu naziunali francesu è di u so muvimentu chì li cunduceni à parta di u so paesi ancu s’eddi passani un’abilitatazioni in lingua corsa da pudè insignà i materii in bislinguu, à listessu tempu u sistema di punti è d’anzianità parmetti à Francesi di sbarcà è stallà si in Corsica. Mentra chì u Rittori Paolini à colpi di cummunicazioni intendi à difiniscia a lingua Corsa quant’è un assu d’amparera priuritariu è fundamentali, Nazione s’intarrugheghjà rispettu à a cuuerenza à stu liveddu di u sicundariu in particulari in lu cuadru di a cuntinuità pedagogica. In più, sapemi chì ci hè una mancanza evidenti di parsunali di manera ghjinirali è chì u cuntighjenti di l’insignanti abilitati hè dificitariu par i filieri bislinguii in lu sicondu gradu. Sti pratichi sò innaccetavuli è miritani una rimessa in pratica. L’avvena di i nosci insignanti ùn pò micca essa ridottu è cundannatu in prima à i custretti amministrativi francesi. Nazione rivindicheghja una maestria di u sistema aducativu par via di u transferimenti di i cumpetenzi à l’Assemblea di Corsica par ottena a capacità di dicida è di metta in baddu una pulitica aducativa à prò di l’insignanti corsi chì t’ani a brama d’insignà in li so lochi. Ci voli à escia di manera difinitiva di u mudelu nurmativu imposti da u Statu Francesu cù l’asempiu di l’Aducazioni Naziunali. Nazione dumanda à l’Assemblea di rivena à nantu à stu prublema ricurrenti è di truvà suluzioni in lu cuadru di a suvranità naziunali. In urgenza, bisognu à ottena par u prossimu muvimentu di parsunali chì i Corsi esiliati possinu vultà è sfruttà di un statutu particulari par via di i so cumpitenzi è abilitazioni. Si tratta di dà li a priurità fendu valè u criteriu di u centru di l’intaressi matiriali è murali (CIMMM) com’è rinvindicazioni dapoi tantu è troppu anni oramai. Infini, Nazioni dumanda à l’amministrazioni francesa di vultà à nantu à so dicisioni arbitraria è di truvà una suluzioni par una intagrazioni di st’insignanti à a prossima riintrata. Nazione arreca u so sustegnu à Rose -Marie Albertini è al di là à tutti i Corsi diplumati chì si voleni impignà par u Populu Corsu è chì sò bramosi di travaddà in Tarra soia.
➡️ Par una ammestria di u sistema aducativu à prò di l’intaressi di u Populu Corsu
➡️ Par un dirittu di tramandà a lingua in li filieri bislinguii di u sicondu gradu
➡️ Par una vuluntà riali di cuerenza pedagogica
➡️ Par una pulitica linguistica priuritaria di tarrenu efficenti
NAZIONE
« Nous exigeons que Rose Marie Albertini soit affectée en Corse dès la prochaine rentrée » – #Corse
Produit CORSU E RIBELLU
