(Gestion Institutionnelle, Corsicainfurmazione.org, Publié le 4 avril 2025) Voici la question Orale de Baptiste Leandri pour le groupe « Scelta Patriotta » lors de la séance du 9 avril 2025.
Ughjettu : Luttà contr’à soprafriquentazione in Bavedda
Sgiò Presidente di l’Uffiziu di l’Ambiente di a Corsica
L’istatina s’avvicina, è comu in parechji lochi muntagnoli corsi, sarà prisu d’assaltu da a soprafriquentazione Bavedda. Ùn pudemu amminurì u so impattu annant’à l’ambienti è l’abitanti di sti lochi. Più d’un millione di turisti passani in Bavedda à long’à l’annu. A nome di a priservazione di l’ambiente è di a sicurezza, misuri so stati aduprati : stangaghji pà impedisce i vitturi à parchighjà si, appartura d’un’ingaratoghju novu, missa in piazza d’una navetta, chjusura di l’accessu à a Purcaraccia, u Pulischeddu è la Vacca senza l’accumpagnamentu di i prufeziunali. Mà di disgrazia ùn sò micca stati bastanti, è vissuti da certi paisani cum’è un’inghjustizia. L’animali è a fiora sò oghje più chè mai minaciati, l’arghjettu è i mufri, animali imblematichi di sti forchi ni sò oghje i fughjaschi. Aldillà di u scumpiente chi riprasente a soprafriquentazione pà st’ambiente, si pone dinò un prublema pà i rucchisgiani stessi. I sò paisani ùn hani più acessu à parcatoghji è à certi fiumi duva sò sempri stati, chì sò oghje riservati solu à i prufessiunali di u turisimu, canyoning principalmenti. Comu pudemu oghje accittà chì i cumunità paisani è a biudiversità sichini cussì sacrifiati solu pà u prufittu ecunumicu d’unipochi ? Comu pudemu accittà d’ùn pinsà micca d’un antra manera u sviluppu ecunumicu’lla Corsica ? Comu puderemu fà in sorte chi u riscaldamentu climaticu è i crisi ambientali siani di piu prisi in contu in i misuri è dunqua pruteghja i nosci lochi è mantena a noscia cuisioni suciali è culturali ? Hè in stu sensu chi và a me dumanda chi hè doppia : Comu pudeti fà campà un ecunumia perenni in Bavedda luttendu sempre contr’à a soprafriquentazione è senza metta in priculu a noscia biudiversità o i dritti di u nosciu populu ? È comu addattà sti misuri lachendu à i paisani un accessu à i so lochi ?
Arringrazià vi.
Baptiste Leandri pour le groupe « Scelta Patriotta »
Produit CORSU E RIBELLU
