(Unità Naziunale, Gestion Institutionnelle, Corsicacinfurmazione.org, Publié le 7 février 2025) Pè un avvene induve a lingua corsa campi è si trasmetti !
Inde u quadru di a missione per l’evuluzione statutaria di a Corsica, cumposta da diputati di a cummissione di e legge di l’assemblea naziunale francesa, emu participatu à un scontru incù l’attori assuciativi è istituziunali nantu a tematica di a lingua.
Inseme, emu riaffarmattu u nostru affettu pè a trasmissione è a prutezzione di a lingua nostra.
«Una lingua senza statutu hè cundannata à smarrì. »
Difenderemu sempre a cu-ufficialità è un quadru ghjuridicu forte pè assicurà un bilinguisimu reale è vivu. Sta ricunnuscenza hè essenziale per mantene u patrimoniu linguisticu è culturale nostru, senza oppone e lingue, mà valurizendu a so diversità cum’è una ricchezza cumuna.
Sustegnu à a furmazione.
Ch’ella sia assuciativa incù a cuntrattualisazione di Scola Corsa per esempiu, o publica incù u sviluppu di l’immersivu e di u bislingu, accumpagnà di sicuru da un rinfurzamentu di l’esigenza inde a furmazione è l’attribuzione di i posti d’insignanti : ogni azzioni contanu per chì a lingua nostra cuntinueghji à campà trà e generazione !
Per ch’ella campi sta lingua chì hè una ricchezza per a Corsica, u so populu è pè u Mondu sanu !
Chjama à l’unità
Produit CORSU E RIBELLU
