« Sustenimu i deputati corsi chì anu travagliatu cun garbu è intelligenza à prò di a Corsica mentre a mandatura scorsa » – #Corse

(Unità Naziunale – Publié le 5 juillet 2024) Après le séisme politique en corse de la position du RN lors des résultats des législatives, les prises de positions se multiplient en Corse.Diana di l’Alba se positionne sur ses réseaux sociaux :

Cari tutti,
Perchè chì a situazione pulitica in Francia c’impone à tutti à piglià a parolla oghje più chè mai.
Perchè chì l’anima corsa hè impastata di valori umanisti, cristiani è paulisti.
Perchè chì seremu sempre i figlioli di u Generale Paoli è mai quelli di u Maresciallu Pétain.
Per difende a nostra identità, a sparghjera di l’insignamentu di u corsu, in sustegnu à l’associi chì valurizeghjanu a nostra cultura.
Per a libertà di parolla è l’esistenza di i nostri media publichi, per un CHU in Corsica.
Per a libertà sindicale è individuale.
Per a fratellenza.
Per u stantu di cinquant’anni di lotta è pè l’interessi suprani di a Corsica al di là di l’interessu puliticu di tale o tale partitu.
In ricunniscenza di i sacrifizii di tanti è per i patriotti sempre imprigiunati o esiliati.
Sustenimu i deputati corsi chì anu travagliatu cun garbu è intelligenza à prò di a Corsica mentre a mandatura scorsa.

Diana di l’Alba