« Issa dumenica, u 25 di farraghju, vota u populu sardu da eleghje u so novu Parlamentu » – #Corse

(Unità Naziunale – Lutte Internationale – Publié le 24 février 2024) Issa dumenica, u 25 di farraghju, vota u populu sardu da eleghje u so novu Parlamentu.

In quell’occasione, Nazione saluta l’iniziativa mossa da l’indipendentisti ingiru à a dimarchja Vota Sardigna di a quale sò parti Indipendentzia Repùbrica di Sardigna (iRS) è Progetu Repùblica de Sardigna (Progres).

Issu polu eletturale largu vene dà corpu à un travagliu di longu andà per scrive è impone e tematiche storiche di l’indipendentisimu sardu in u dibattitu publicu : rumpitura cù a dipendenza imposta da Roma, ricunniscenza di u dirittu à l’autodeterminazione, cuntistazione di un sistema eletturale chì assicureghja solu l’intaressi di i partiti taliani, denunzia di e trappule di un statutu d’autunumia chì chjode u distinu di a Sardegna in u quatru sempre impostu da l’Italia….

Oghje, a dimarchja Vota Sardigna si scrive in una cualizione ampia purtata da l’anzianu Presidente di a Regione Autonoma Renato Soru chì hà avutu u curagiu puliticu di rompe cù a logica partigiana taliana è d’include l’avvene di a Sardegna nantu à a strada di a so suvranità. Iss’alternativa incontra oramai una adesione significativa.
In isse circustanze, Nazione augura u succesu à e liste di Vota Sardigna è manda un sustegnu fraternu particulare à i militanti di iRS cun quale a mossa indipendentista corsa hà intricciatu rilazione strette d’amicizia è di lotte cumune da anni è anni.

Di modu più largu, accuglimu cun piacè l’annunziu di a rifundazione à vene di l’indipendentisimu sardu in seguitu à u prucessu di dialogu, chjamatu Est Ora !, iniziatu trà iRS, Progres è Torra !.

Cun isse forze naziunale sardu, u currente oghje raprisintatu da Nazione hà digià principiatu un partenariatu puliticu purtendu inseme a battaglia contru à l’occupazione militare di e nostre tarre. Spiremu, ind’è i mesi à vene, di purtà ancu più luntanu issu pattu strategicu trà a Nazione corsa è a Nazione sarda.

Eviva a Ripublica libera di Sardigna !
Eviva Vota Sardigna !

Nazione

Produit CORSU E RIBELLU

bandeauribelluteeshirt (1)

Produits à partir de 13e

error: