Breaking News

Si n’hè andatu Ghjuvan Francescu Filippi #Corse

(Unità Naziunale Publié le 19 août 2020) Si n’hè andatu Ghjuvan Francescu Filippi militante unestu di prima trinca

Avà pigliu a penna è a ciottu nu un mare di tristezza per scrive trè parulle à un’omu chì ne vale migliardi.

Prima pensu à ellu è à i soii. Sò solu in camera, u bughju mi ghjove di decoru è pensu. Acciaccatu da ssa nutizia ún mi possu dì chì oramai sò finite e nostre risate , chì mai più ún ti senteraghju dì u mo bifolcu , sì di a sterpa di quelli chì rende urfagna à Cursichella.

A to saviezza mancherà, ma a to presenza si senterà fin tantu ch’ averaghju cuscenza è ghjudiziu ti purteraghju cù me, è spergu ch’eo fermeraghju fidu à u to ideale.

Mancu ti dicu ch’eo ti lasciu, ti pigliu cù me è ti portu pè a mente. Fa pianu quassù, salutà mi quelli che tu sai. O ghjuvan Francè, essendu unestu ti ne vogliu quantunque di ssu culpacciu miccà aspettatu.

L’omi tenenu per elli i so sintimi ma i mei i mettu a pallesu dicendu chì u mio core hè frantu, ma vogliu crede ch’ogni lacrima cappiata si trasfurmerà in una stella lucigante è chì l’averaghju sempre appesa sopra à me.

T’abbracciu cù tuttu l’affettu vugliutu, ti rispettu ab eternu…u to bifolcu

Ghjuvan Carlu Marsily

Produit CORSU E RIBELLU

bandeauribelluteeshirt (1)

Produits à partir de 13e

WP2Social Auto Publish Powered By : XYZScripts.com
error: