#Corse A Ghjuventù Indipendentista porta u so sustegnu à i parenti di i zitelli è à u persunale di u Cullegiu di Vicu

(Unità Naziunale Publié le 19 février 2019) A Ghjuventù Indipendentista porta u so sustegnu à i parenti di i zitelli è à u persunale di u Cullegiu di Vicu chì hè minacciatu di chjuditura d’una classa per a rientrata chì vene.

Ci sò per avà duie classe di sesta, una bislingua è l’altra nò. Vole u retturatu caccià ne una. C’interrughemu nant’à a pussibilità di mischià sculari chì volenu corsi in lingua corsa è quelli chì ùn ne volenu. S’ella si face, a pulitica di u bislinguisimu serà un fiascu, chì tandu i corsi ùn serebbenu micca in lingua corsa.

D’altronde ùn si pò avè una classa cù una trentina di zitelli nentru. Un effettivu cusì numerosu ùn permette micca d’avè bone cundizione d’amparera è e strutture di u stabilimentu ùn sò micca priviste per avè un gruppu di sculari cusì impurtante.

Aldilà di sti prublemi, serà u Cullegiu sanu à esse minacciatu à long’andà.
Saremu à fiancu à quelli chì difendenu un arnese d’amparera cusì impurtante in i paesi !

A nostra cuscenza hè resistenza !


 

Produit CORSU E RIBELLU

bandeauribelluteeshirt (1)

Produits à partir de 13e

WP2Social Auto Publish Powered By : XYZScripts.com
error: