X

L’associu  » Sulidarità » chjama ugnunu à essa prontu à mubilizzà si. A quistioni di i prighjuneri pulitichi ferma sempri d’attualità.

Né middurazioni di cundizzioni di ditinzioni, né avvicinamentu, né libarazioni. E u primu ministru francesu Manuel Valls l’ha ditta chjaramenti: Ùn ci sarà amnistia.

In u fra tempu s’ampara chi i ditinuti Alanu Ferrandi è Petru Alessandri un sarani avvicinati in Corsica. Hè ditta ufficialmenti da l’autorità ghjudiziaria…

Amnistia-Sulidarita-FLNC-Patriotti

Avali s’imparà chi i militenti pulitichi corsi chi so stati cunfruntati à a riprissioni francesa sarani cunsiderati oramai cum’e i tarruristi islamichi … E dunqua trattati incu misuri d’eccezioni…

U mumentu hè piu chi mai à a mubilizzazioni.

U Riacquistu di Portivecchju hè ben sicura prontu a participà a tutti l’azioni.

Ci hè stata dinò l’iniziativa di  » U Rinnovu » chi chjama a una manifestazioni pa’ a rientrata e chi ha tinutu a risposta favurevuli di « a Manca », di « Ghjuventù Paolina », di l’associu « Tocca a noi », di « Pudemu », di « l’Associu di i Parenti Corsi » e di a  » Ghjuventù Indipendentista ».

A manifestazioni sarà un sucessu s’idda s’appoghja nant’à i punti di una suluzioni pulitica pà a Corsica e s’idda s’appoghja nant’a tutti i forzi pupulari di Corsica !

à suivre sur  l'application android Unità Naziunale ou bien sur ce lien mobile (Apple, tablettes...)