Breaking News

Gouvernement #Corse @femuACorsica « Cunvenzione EDF è Niolu »

DUMANDA À BOCCA POSTA DA Mme Nadine NIVAGGIONI PÈ U GRUPPU « FEMU A CORSICA »

Nadine NIVAGGIONIOGGETTU : CUNVENZIONE EDF È NIOLU. e Esecutivu in carica di a Muntagna, Sgiò Presidente di l’Uffiziu Idraulicu di a Corsica, Da i tempi più landani à l’ultima guerra, u Niolu hè sempre statu Terra di pastori. Malgratu a scarsità di e bande oghje, s’hè mantenuta una pruduzione casana di gran fama ma a so vucazione di tandu hè cambiata. Tra lu 65 è lu 68, centinaie di castagni so’ stati tagliati ; l’orti casamacciulesi, sidussinchi è calacuccesi diraschiati, fendu piazza netta à una riserva è un madrale pè l’annacquera di a piaghja di Marana, di Casinca è più `nghjò è dinù pè a pruduzione d’elettricità. Niolu hè diventatu une di e cisterrone d’acqua di Corsica. Da ‘ss’impianti, a ghjente è u territoriu ne hanu tiratu pocu suchju è c’hè nata una cuntestazione pupulare pè fà valè prughjetti di messa in valore di a valle ma dinù pè migliurà a qualità di a so alimentazione elettrica. À locu à anni è anni di cuntrasti cù EDF, l’8 di settembre di lu 2011, in campu di fiera, à un’adunita di l’ANEM, hè stata ziffrata una cunvenzione di partenariatu. Fra altre ambizione, l’anzianu Direttore Regiunale di EDF, incalcava nantu à a vulintà di participà à u sviluppu d’un schema d’accunciamentu di a ritenuta d’acqua di Calacuccia è di e so sponde, di a Scala di Santa Regina è di l’Aghja Nova. E cusì sia ! Studii so stati annunziati è realizati, forse. A ci dicerete, ma accunciamenti, micca. U gruppu FEMU A CORSICA, saluta a stallazione di u Cumitatu di Massicciu di CORSICA, chì ci pare l’arnese più adattu à a cu

ncertazione di l’attori, è à a definizione di prugetti di sviluppu cuerenti è glubali. Allora, in ‘ssu quadru novu, vulerebbemu chì u pianu d’azione tantu aspettatu nantu à l’accunciamentu di a ritenuta di Calacuccia, sbocchi una volta pè sempre, è ch’ellu sia integratu à u prughjettu di sviluppu di u Massicciu di Niolu, di sicuru. FEMU A CORSICA dumanda una prisentazione di u bilanciu di a cunvenzione EDF, à una prossima session di l’Assemblea , è che vo ci dica u vostru metodu è u vostru calendariu pè ripiglià i travagli cù EDF è entre di manera fattiva in u cantieru.

A ringrazià vi, ò sgiò Presidenti.

Nadine NIVAGGIONI PÈ U GRUPPU « FEMU A CORSICA »

Produit CORSU E RIBELLU

bandeauribelluteeshirt (1)

Produits à partir de 13e

WP2Social Auto Publish Powered By : XYZScripts.com
error: