Produit CORSU E RIBELLU

X

(PAROLES DE CORSE) Ùn ci saria tantu da stupisce si, sò parechji à praticà u paradossu è, dendu retta à unipochi ci puderia ancu vene a risa. Si ne hè intesu assai, ste ultime settimane, nant’à i cusì detti intellettuali, per via di l’entrata di unu à l’Accademia francese o per via di a scelta « curagiosa » di l’altru di ritirà si di a vita publica.

Forse, ùn ci vuleria à imprimurà si ne, nè dà à sti fatti l’impurtanza ch’elli ùn anu. Ma, u so pesu mediaticu è una spezia di racontu à fette intrattenutu ingiru à elli face chì, ùn vene faciule di sfrancà si di i so discorsi. Eppuru, s’ellu si face chjuccutu u ribombu di e so voce – duve s’intreccia u solitu addisperu chì i rode à una nustalgia amara è à una cuscenza di a perdita definitiva di i valori, senza ch’ellu si cerchi à caricaturà u so pensamentu – si lagnanu spessu di ùn avè spaziu abbastanza da pudè si sprime.
actu (2)

Sarà chì, à rombu di parlà ùn riesceranu più à sente si o à percepisce altru affare chè u bufunime ch’elli pruducenu. Omu puderia custatà dinù chì, al dilà di u monopoliu ch’elli tenenu di a parolla, ùn vene sfaticata di cuntrastà li la è, s’elli ci sò dibattiti, l’intervenenti, spessu i listessi, ùn anu tantu parè cuntrarii.

La suite sur PAROLES DE CORSE

Paroles de Corse