Ancu si pà avali P.A. Contadini ha arristatu u pattifami, a situazioni di i prighjuneri pulitichi corsi, trasferiti in i prighjò francesi, un hè cambiata.
Eppuri, l’autorità francesi s’erani una volta di più ingaghjati à piddà in contu a rialtà d’issu cartulari, ma in i fatti si n’impimppani e com’è sempri lasciani infracicà a situazioni.
Hè innacetevuli, postu chi, in Corsica, so maghjuritarii i voci à dumandà ch’iddi sighini piddati in contu i dritti di i prighjuneri pulitichi sin’à l’amnistia. A Cullittività tarrituriali, monda municipalità, muvimenti pulitichi, associ umanitarii, culturali e spurtivi, parsunalità si so sprimati pà dì chi oghji era ora di metta in ballu una pulitica nova e d’apra issi porti di prighjò.
hè innacetevuli, postu chi a ministra di a ghjustizia francesa hè infurmata d’issu cartulari. Allora parchi abbandunà un ghjovanu corsu è ubblicà lu à metta a so vita in piriculu allora ch’avvia u drittu à essa avvicinatu. Postu dino chi in i prighjo di Corsica ( Borgu), I piazzi libari ci so.
Oghji l’insembu di i forzi di Corsica so daretu à i prighjuneri. Ma di pettu a l’inghjustizia pulitica e umana di u Statu, tocc’a noi tutti d’urganizzà ci ancu meddu ché avali pà :
– l’applicazzioni di u drittu à l’avvicinamentu pà tutti i prighjuneri pulitichi corsi.
– A so liberazioni rapida.
– l’amnistia.
A mossa di a ghjuventù corsa ha una volta di più musciatu chi a mubilizzazioni pupulari strappa i cateni.
U Riacquistu di Portivecchju hè prontu à participà à l’azzioni chi riflettani l’unioni a piu larga chi no puddemu metta in ballu nant’à u tarrenu di i lotti.
U Riacquistu di Portivecchju tistimunighja a so sulidarità umana e pulitica incù PA Contadini e tutti i patriotti corsi incarciarati.
O corsi piddemu in manu u nosciu distinu !
U RIACQUISTU DI PORTIVECCHJU
Produit CORSU E RIBELLU
