Produit CORSU E RIBELLU

X

(Unità Naziunale Publié le 25 juillet 2018 à 15h58) MUZIONE CÙ DUMANDA D’ESAME PRIURITARIU POSTA DA : Mma Vannina ANGELINI-BURESI À NOME DI U GRUPPU « CORSICA LIBERA »

UGHJETTU : CREAZIONE D’UNA CUMISSIONE DI L’ASSEMBLEA DI CORSICA IN CARICA DI A RIFLESSIONE IN GIRU A E PULITICHE PUBLICHE DI A LINGUA CORSA.



INTESU u Coddice Generale di e Cullettività Territuriale, titulu II, libru IV, IVesima parte,

INTESU l’articulu 26 di u rigulamentu internu di l’Assemblea di Corsica,

INTESA a deliberazione N° 13/096 AC di u 17 di maghju di l’Assemblea di Corsica,

INTESA a deliberazione N° 16/140 AC di u 23 di ghjugnu di l’Assemblea di Corsica adduprendu a cunvenzione di messa in opera di u pianu di sviluppu di l’insignamentu di a lingua corsa 2016-2021,

commandez en ligne vos produits « Corsu è Ribellu » du siècle dernier

INTESA a dumanda scritta à u guvernu N° 1534 di u diputatu Paul-André Colombani è a risposta di a Ministra di u travagliu di u 5 di dicembre di u 2017,

SAPENDU chì i cunsiglieri à l’Assemblea di Corsica ùn anu micca spaziu di scambii dedicatu solu à a lingua corsa,

SAPENDU chì e muddalità di seguitu è di valutazione di a cuntrattualisazione cù u Statu ùn sò micca messe in opera,

SAPENDU chì, senza preghjudiziu à e muddalitià di seguitu di a cuntrattualisazione, l’Assemblea di Corsica hè in dirittu di sente i raprisintenti di u Statu,

SAPENDU chì a cumpetenza lingua corsa di a Cullettività ùn hè micca esclusiva, cù d’una parte e cumpetenze di u statu, è dinò e mosse di a sucetà à i livelli assuciativi, culturali, educativi è ancu ecunomichi,

SAPENDU chì a creazione d’una cumissione ad hoc permetteria di sente è di travaglià cù tutti l’attori di e pulitiche di a lingua corsa,

L’ASSEMBLEA DI CORSICA DECIDE di custituisce una cumissione ad hoc in carica di a riflessione in giru à e pulitiche publiche di a lingua corsa, cumposta da u Presidente di l’Assemblea di Corsica è d’8 cunsiglieri à l’Assemblea di Corsica scelti di modu prupurziunale.

INCARICHEGHJA a cumissione ad hoc di stabilì un fogliu di strada di i so travaglii.

INCARICHEGHJA a cumissione ad hoc d’appughjassi è di scambià d’una parte cù u Cunsiglieru esecutivu in carica di a lingua corsa è i so servizii, i membri di a cumissione cultura, lingua corsa è educazione di u cunsigliu ecunomicu, suciale, di l’ambiente è culturale di a Corsica, i membri di l’Assemblea di a Ghjuventù, è à tempu cù l’attori culturali è educativi impegnati à prò di a lingua corsa.

SCEGLIE i so raprisitanti.

DICE chì à a fine di i so travaglii, a cumissione prisintarà e so cunclusione à l’Assemblea di Corsica.