Produit CORSU E RIBELLU

X

A Manca  sustene a  manifestazione  urganizata davant’à a Prifittura d’Aiacciu u sabbatu 24 di maghju 2014 da u Cullettivu  Parlemu corsu.

 A cuufficialità ferma una rivindicazione storica purtata dipoi anni è anni da l’inseme di  i militanti indiati inde a lotta pà l’autodeterminazione. Ma al dillà di sti militanti, a lingua corsa hè quella di tuttu un populu d’origine varie chì travaglia è provà a campà nant’à a so tarra.

 Mesi fà, tutti i cunsiglieri tarrituriali di a CTC anu vutatu a messa in opara di sta cuufficialità tantu bramata. Ma l’andattura di u Statu francese, à favore di un monolinguisimu micidiale pà e lingue dette minuritarie di i populi senza statu, ricusa di cuncede i scambiamenti istituziunali chì a scelta dimucratica fatta da i Corsi dumanda.  Stu ricusu dimucraticu di prima trinca rende ubligatoria a participazione à a dimarchja di sabbatu.

 Al dillà di sti prugressi istituziunali da strappà, a lingua nostra deve esse un strumentu ricunnisciutu d’integrazione suciale in capacità di sbuccà nant’à una citatinanza corsa. Sta citatinanza si deve fundà  nant’à a spargliera di una sucietà bislingua aparta.

A Manca

(…)

CorsicaInfurmazione.org by @Lazezu 

Revue de Presse et suite de l’article  : 

 

Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]