Produit CORSU E RIBELLU

X

(Unità Naziunale – Publié le 3 mai 2018 à 13h43) Après Core In Fronte, Aiutu Paisanu, A Mossa Paisana et A Cunsulta di a Ghjuventù Corsa, c’est U Riacquistu di Portivevhju qui salue la naissance du collectif Patriottu.


SO PATRIOTTI !

S’hè missu in ballu un nuvellu cullittivu. Quiddu di parrechji anziani prighjuneri pulitichi. Pattini sempri par a maiò parti di certi misuri di riprissioni chi cuntinighjani dopu a fini di a so incarcerazioni. Issu culletivu si situighja in a cumplementarità e u prulungamentu di l’associi di difesa di i patriotti sempr’incarcirati. Certi di i so membri sò stati ( o sò sempri ) aderenti o porta voci di l’associ di difesa di tandu è d’avali.

Issu cullittivu rapprisenta dinò l’insembu d’issi forzi patriottichi chi facini u Muvimentu Naziunali d’oghji comu d’arimani. Nessun’urganisazioni un po impatruniscia si di ciò ch’iddu rapprisenta. U so scopu hè di falla finita incù tutt’issi prissioni chi si facini risenta in a vita di tutti i ghjorni e chi mettini da cantu in a vita cutidiana (suciali, prufissiunali… ) l’anziani ditinuti pulitichi. Di fattu poc’à pocu so privati di parrechji dritti … A so lotta hè dinò una participazioni à a difesa di i libartà individuali e di u bè cumunu.

Si sà chi l’Assemblea di Corsica ha dighjà adduttatu una muzioni chi va in u sensu di ciò ch’iddu dinuncia u cullitivu. Si sà dinò chi parrechji missaghji di sustegnu strutturali e parsunali li sò stati trasmissi. L’aiutu cumunu, unu di i nosci valori culturali, hè l’affari di tutti.

U Cullittivu ha sceltu u nomu di  » Patriotti « . Arrichisci a lotta di tutti quiddi chi dapoi anni e anni pattini a riprissioni pulitica. Traduci di più un’auto urganizzazioni di parsoni dirritamenti cuncirnati cumu a porta a filusufia d’autoditirminazioni.

U Riacquistu di Portivechju 

2 mai 2018


#Corse – « Patriotti », le Collectif des anciens prisonniers politiques tient conférence de presse à Aiacciu – @CollectifAPP