X

L’avia capita bè Rivarol pocu tempu nanzu à a Rivuluzione francese, una lingua ùn hè solu un strumentu di cummunicazione o robba d’arte per scrivani è per pueti. A so sfarenza cù i dialetti ùn tene micca in a so ricchezza lessicale ma in u so putere di cuesione è di custruzzione pulitica.

Cresce l’usu di a lingua à rombu ch’ellu cresce u putere puliticu di i so lucutori è vici versa. Spiega cusì a trafalata di e lingue d’oc puru ricche d’un patrimoniu literariu più zeppu chè quelle di u Nordu ma senza Rè, senza unità dinù. Tandu, ci seria da dumandà si s’è da u puntu di vista di i suprani, una lingua ùn hè solu un strumentu di custruzzione pulitica è via, un duminiu propiu regalianu chì l’argumenti di a scenza à prò di tale o tale andatura ùn ponu cuntà ?

Si puderebbe ancu andà al di là, fendu l’ipotesi chì più seria fundatu u Statu nant’à una visione umanista di u dirittu di a terra, più seria demucraticu in tutti i duminii, più puderia esse cunservatore in fatti di lingua, postu chì seria ella l’ultimu mezu di cuesione interna è di sfarenziazione cù i furesteri, moltu più in e sucetà multiculturale oghjinche, chì si movenu l’identità suciale è culturale di l’individui muderni. A spieca Michel Wieviorcka : « S’acconcia propiu bè l’assimilazione d’un integrisimu culturale o puliticu, ch’ellu pigliessi a forma di u naziunalisimu, di u suvragnisimu o di u republicanisimu ».

Seria allora a lingua, micca solu cumuna, ma unica, u zocculu di u Statu cuntempuraneu ? In Francia sì, st’ultimi anni sò stati u teatru d’un attrazzera ghjuridica cun trumbette è cun tamburi. Dopu à a revisione custituziunale di u 1992 è a lege Toubon di u 1994, dipoi u 2012, hè ubligatoria una certificazione di livellu B1 à chì vole acquistà a naziunalità francese.

À st’ideulugia purtata à i so punti stremi li vene opposta a mossa internaziunale à prò di i diritti linguistichi è culturali. Sò cunquisti diritti novi cum’è u matrimoniu per tutti o a parità trà omi è donne. In u duminiu di a lingua, qualessi ponu esse i valori cunvucati per stringhje l’eserciziu di diritti territurializati, quandu una lingua hè digià sparta in l’inseme di u Statu, cunisciuta da tutti è rimessa in causa da nimu ?

A Seguita nant’à :

(…)

by @Lazezu 

Revue de Presse et suite de l’article  : 

Blog SBANDITU

Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]

à suivre sur  l'application android Unità Naziunale ou bien sur ce lien mobile (Apple, tablettes...)