ùn sò s’è e quistione pulitiche sbuccheranu à cortu andà nant’à una suluzione pulitica. In casu mai, feremu di modu à incalcà nant’à u chjodu, è quant’ellu si pò, da eletti di u Populu Corsu.
À pochi ghjorni di un primu dibattitu impurtante nant’à l’evuluzione di u statutu di st’isula, arricurdemuci di i sacrifizii di l’omi di stu populu, di i so suldati, di e lotte d’indipendenze di u seculu 18, di l’impiccati di Niolu, di sta resistenza multiseculare, di l’omi di u 173 cascati in guerra di u 14, di quelli ribelli di u 43, di tutti quelli ch’anu mantenutu a fiara di l’esistenza è di a cuscenza, longu à u seculu 20.
In listessu filu, ramentatevi e disgrazie, tant’annate di prigiò, tutti sti morti di l’ultimi 20 anni. Pensate sopr’à tuttu à l’impegnu tremendu di tante generazione di militanti culturali, pulitichi, assuciativi, di squatre intere d’insignanti chì ci aiutanu à cuntinuà nant’à sta strada di l’emancipazione naziunale.
Allora, s’ella ci hè forse oghje una strada, arricurdemuci ch’ella porta u pesu di un passatu di lotta, di pene, di gioia è di spera.. Ma di sicuru, porta oramai a brama d’un antr’avvene. A nostra nazione, sò i ghjorni à vene di i nostri figlioli.
Stu pocu si tratta di a liberazione di a Corsica in lu 43 … Si merita u nostru rispettu, ma a liberazione ùn hè solu stu ricordu; ùn hè solu stu sguardu ver di stu passatu. A liberazione di a Corsica hè una custruzzione anc’à compie … Ch’ella mi sia cuncessa tandu di pruponevi stu ritrattu: ecculu quì u locu induv’ella principiò a storia…
(…)
by @Lazezu
Revue de Presse et suite de l’article :
sur Corse Matin, sur Alta Frequenza, sur RCFM, Sur Corsica, Sur le Journal de la Corse, Sur Alcudina, sur Corsica Infurmazione/Unità Naziunale, sur France 3 Corse, Sur Corse Net Info (CNI)
Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Produit CORSU E RIBELLU
