Produit CORSU E RIBELLU

X

Cunfaranza stampa davant’a a ghjendarmeria in Portivecchju. Cunfaranza stampa urganizzata da ghjovani corsi, quiddi di a Ghjuventù Indipendentista e di a Ghjuventù di u Partitu Naziunali Corsu. U scopu era di dinuncià a riprissioni chi i tocca dapoi calchi tempi e di muscià a so ditirminazzioni pulitica.

Issa riprissioni metti una volta di più in evidenza l’attivisimu di a pulizza francesa contra tarrurista e ben sicuru di u polu setti di a camara d’istruzioni in carica di l’affari tarrurista. Di fatti, è al di là di a fraseulugia ufficiali, hè una ghjustizia pulitica è d’eccizzioni chi tocca i ghjovani corsi. Più precisamenti chi tocca a struttura di a Ghjuventu Indipendentista .

Ben sicuru, c’hè un cartulari chi parla di prova d’attentati, d’attentati e d’associ di malfattori. Ma u cartulari ùn pò piattà l’intaressu purtatu da i servizzi di rinsignamentu francesi pà ‘ssa struttura di ghjuventù corsa chi diranghja u puteri francesu incù a so attività pulitica .Hé veru chi si sparghja a Ghjuventu Indipendentista. Al di là di a sola e impurtanti Università, si sparghji in parecchji città e rughjoni di l’isula. Addunisci monda ghjovani chi portani in capu e in cori a tarra e u so populu. E parla d’indipendenza. Voli di ch’issi ghjovani difendini una andatura pulitica chi s’appoghja nant’à a filusofia storica di u spannamentu nazziunali chi ùn si po cuncipiscia che incù un statu corsu indipendenti. Comu l’hani vulsutuè custruitu à l’epica di Pasquali Paoli, i patriotti corsi.

L’indipendenza un hè una svagatezza di spiritu nemenu un attrazzioni rumantica di un mumentu. Hè una scelta pulitica chi supponi una cuscenza patriotta di custruzioni àparecchji nivedda, ch’iddi sighjini pulitichi, ecunomichi, culturali, suciali è stituziunali. Di fatti l’indipendenza dumanda chi si custruissini in cori stessu di a suciita corsa, i contra – puteri nicissari pà cuncretizzà l’aspirazioni a essa Nazioni. Parchì una Nazioni libara un po campà ch’essendu indipendenti. Hé una strategia chi si po cuncipiscia tappa à tappa incù un filu d’una logica di strada di ricuniscenza storica e di sculunisazioni incu u Puteri Francesu.

I ghjovani chi portani issu sintimu amparani chi a rivindicazioni indipendentista hè pà avali innaccetevuli pà u Statu francesu e chi sola, una lotta pupulari, ricunisciuta à u niveddu internaziunali, porta a speranza di strappà i dritti naziunali fra quali u drittu di scedda libaru u so avvena. I ghjovani corsi amparani ch’issa lotta dumanda monda sacrifizii e una vulintà tremenda pà ùn rinuncià o cascà in a ricuperazioni. Hani da amparà ch’issa lotta ha i so eroi ma dinò i so pentiti, tradittori e cullaboratori.

Ci voli chi i ghjovani corsi chi so u simbulu di l’avvena d’issu populu si nutrischini di tutti i nosci mancanzi e sbagli pà purtà issu sognu storicu in a rialità di i populi e nazioni spannati in u so spaziu naturali mediterraniu. Ci voli ch’issi ghjovani rieschini induva noi avmu suminatu. Ci voli ch’issi ghjovani, meddu che noi, addattessini a lotta à a i rialità d’oghji.

CGNCcorsicacorsicaAfficheIn u 1976, a cunsulta di a Ghjuventù Corsa piddaia una muzioni d’urientazioni ginirali. Fra i punti aduttati unu dicia « d’urganizzà dapertuttu, l’unioni di tutti i forzi naziunalisti rivoluzionarii ind’é a lotta contra u culunialisimu nant’a u tarrenu ». Un altru dicia chi « sola una suluzioni pulitica strappata da a lotta unitaria di tutti i forzi naziunalisti parmetterà di dà a a Nazioni corsa i mezzi pulitichi, stituzziunali e ecunomichi d’assicurà u so spannamentu à u solu prufittu di u nosciu populu ». In u 1983, a Cunsulta di a Ghjuventu Naziunalista Corsa in un fugliettu d’umaghju àStefanu Cardi (militenti di u Fronti mortu mentre ch’iddu mittia una carica in una résidenza sicundaria di francesi) dicia bè chi « a riprissioni quali sia a so natura hè a marca di l’imputenza d’un puteri di pettu a una situzzioni chi’ddu ùn po ammaistrà. Hè a garanzia di supravvivenza di u culunialisismu. Ma porta sempri i germi di u so fiascu ».

D’arrimani ad oghji si vidi chi l’analisi fermini listessi e chi malgradu certi evoluzioni (1981 – 1990) e i pussibilità cunghjuturali (andatura di « Matignon » 1999), a quistioni naziunali corsa si poni sempri. L’ubbietivu attuali di i ghjovani hè d’assicurà a crescità d’issa cuscenza pupulari incù una nova cultura pulitica parch’idda diventi maestra d’issu paesu.

So ritti !!! E cuntinuighjani a purtà in coddu ciò chi noi avemu dighjà purtatu di i nosci anziani. E rapprisentani ‘ssu soffiu novu d’avvena corsu libaru è mudernu. Lotta ghjuventù l’avvena si tu !!!

Ulivieru SAULI

Dossier de  cette affaire sur ce lien

Photos des mobilisation sur ce lien

Vidéos des incidents sur ce lien

 by @Lazezu 

Revue de Presse 

sur Corse Matinsur Alta Frequenza, sur RCFM, Sur Corsica, Sur le Journal de la Corse,
Sur Alcudinas
ur Corsica Infurmazione/Unità Naziunale, s
ur France 3 CorseSur Corse Net Info (CNI)

Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Vous aimez cet article ? Faîtes-en profiter vos amis !