Produit CORSU E RIBELLU

X

Nata in lu 75, allivata in paese, in a trasmissione di u « stintu » corsu, mamma di famiglia impignata in a sucietà corsa ughjinca, e so dificultà, e so inghjustizie, aghju accittatu di suvità è d’aiutà à Paulu Leonetti, candidatu di Corsica Libera à e legislative.

Parchè Corsica Libera? Parchè mi pare esse u solu partitu chi ùn’hà micca a paura di dì ciò che no pinsemu tutti, mà chì à sente dì ùn’hè micca currettu di dì! Noi semu sempre quì pà difende a nostra identità: a nostra lingua, a nostra cultura, a nostra storia, a nostra sfarenza, u nostru modu di campà. A l’ora di a mundialisazione ora sarrebbi di trasmette a nostra identità da pudella salvà!

Da pudè difende i nostri intarressi, pà i nostri, fà u suciale cù quelli chì campanu quì, aiutalli, furmalli cum’ellu si deve, ch’elli pudessinu anch’elli pratende a posti di rispunsabilità in Corsica; Da pudè sfruttà a nostra tarra, è micca lascialla à tutti i ghjunghjiticci; Chì i nostri figlioli pudessinu campà è cunstruì u so avvene in casa soia; Ora sarrebbi di ripiglià e nostre rivindicazione chì sò state tutte ricuperate da tutti i partiti pulitichi ancu i più tradiziunale. Semu à l’iniziu di tutti i dibattiti di l’Assemblea di Corsica: A LINGUA, A TARRA, A CIVITITUDINA, I TRASPORTI…

Oghje chì hè oghje ,i corsi sò tutti d’accunsentu pà dì chì à un’ epica ancu di grazia ch’ellu c’hè statu u Muvimentu Naziunale pà cuntrastà, difende a nostra lingua, u nostru liturale tantu bramatu…è pocu imprema i mezi. I tempi sò scambiati mà a maiò parte di e pratiche nò! Campemu cù u nostru tempu mà micca sottumessi!

A TARRA CORSA DEVE FIRMÀ À I CORSI

Vous aimez cet article ? Faîtes-en profiter vos amis !
Faites passer l’information autours de vous en cliquant sur :