Breaking News
Lingua Corsa Lingua Viva

Riforma 2021 di i CAPES : una riforma di più nuciva pà a lingua corsa ! #corse @ParlemuCorsu

(Unità Naziunale – Lutte de masse – publié le 11 février 2021) RIFORMA 2021 DI I CAPES : UNA RIFORMA DI PIÙ NUCIVA PÀ A LINGUA CORSA !

‘Ssu 25 di ghjinnaghju, sò stati dicisi par arristatu ministiriali, novi mudalità d’urganizazioni di i CAPES in Francia. Hè cussì chì oramai i prufissori di corsu duvarìani essa ricutati passendu provi, pà u più, in lingua… francesa ! 5 ori in corsu è più di 8 ori in francesu, cù cuifficienti dui volti più alti in francesu chè in corsu (8 contru à 4).
Assurdità amministrativa ? Incuirenza di capizzoni, taddata da a rialità ? Alta upinioni spripusita di a lingua francesa ?…

Sarà forsa un pocu di tuttu à tempu ma hè sopra à tuttu una scelta pulìtica chì cunduci a Francia à crià un CAPES di lingui, indu’ a lingua à insignà ùn hè più a primura !… Una tuntìa chì palesa una vulintà d’affirmà una suprimazìa (tiòrica) di a lingua francesa, chì sempri di più indibbulisci una iducazioni pùblica cù a brama di fà icunumìi è chì sempri voli unifurmizà !

Cuncerna tutti i lingui, intantu par ciò chì ci tocca à no, a pudemu assicurà, ‘ssa tuntìa idiulògica avarà par cunsiquenza a criazioni d’un CAPES di lingua corsa cumplittamenti disprizzatu.

Semu di pettu à unu Statu francesu chì nega i nosci spicificità è chì ci voli distrughja ! Semu di pettu à unu Statu chì ghjirarchisci i culturi è i lingui ! Cù ‘ssu gènaru d’idiulugìa, ùn ci hè nudda à niguzià ! Intantu vulemu spirà chì una antra strada sarà presa…

Par no hè chjaru : DIMU DI NÒ À A RIFORMA ! U CAPES DI CORSU ÙN SI TOCCA ! VULEMU D’UN CAPES DI CORSU SOLU IN LINGUA CORSA !

Cullittivu Parlemu Corsu



Plus d’infos sur  https://france3-regions.francetvinfo.fr/corse/langue-corse-une-reforme-du-capes-qui-inquiete-1954390.html

Produit CORSU E RIBELLU

bandeauribelluteeshirt (1)

Produits à partir de 13e

WP2Social Auto Publish Powered By : XYZScripts.com
error: