Produit CORSU E RIBELLU

X

(Unità Naziunale Publié le 2 mars 2019) Chjamemu l’inseme di i studienti à mubilizà si u 23 di marzu in Aiacciu per a difesa di a nostra lingua.

Hè à traversu à stu primu passu di l’ubligazione di l’insignamentu di u corsu in l’educazione chì i a lingua puderà piglià a so vera piazza ind’è a sucetà isulana.

Allora tutt’in Aiacciu u 23 à 3 ore davanti à a prefettura, uniti cù l’associi per difende a nostra lingua !

#PatrimoniuMundialiMiccaUzziunali #LinguaCorsa

Cullittivu Parlemu Corsu



A lingua ùn arreca micca solu parolle.

Ghjè l’anima di u populu.
Tramanda d’una generazione à un’altra ciò chè no simu, è a memoria cumuna chì ghjov’à appruntà l’avvene.
Ghjè stu liame trà di noi chì ùn lasceremu mai scioglie. 
Ghjè a nostra manera d’accoglie l’altru è di participà à stu mondu.

Corsica Libera chjama dunque tutt’ognunu à participà à a mossa di u 23 di marzu in Aiacciu, incù u  » Cullittivu Parlemu Corsu ».

Ci tocca, più ch’è mai, à difende a nostra lingua, ch’ella diventi lingua ufficiale ind’è una sucietà veramente bislingua.

Corsica Libera
10 mars 2019


u 23 di marzu, i corsi difendenu a so lingua in Aiacciu ! A lotta per l’ufficialisazione di a lingua corsa nant’à a so terra ferma più chè mai d’attualità, di fronte à a chjusura di u statu francese. Tocca à ogni corsu à esse participe d’issa mossa populare per a dignità è a ricunniscenza di ciò chè no simu ! Sulidarità chjama tutti i so militanti è simpatizanti à sfilà per una sucietà bislingua daretu à u cullettivu « parlemu corsu » u 23 di marzu in Aiacciu . Tutti inseme faremu vince a lingua corsa !

Associu Sulidarità
10 mars 2019


Ùn ci hè populu senza lingua.

A nostra lingua ghjè ciò chè nò semu. Ghjè ciò chi face u populu corsu.
A nostra lingua ghjè u ghjuvellu chì l’anziani ci hanu lasciati.
A lingua corsa ghjè a nostra radica. U liame chì ci tene à a nostra terra, a nostra casa. A fiamma di l’anima corsa !

Si ricusa di pensà chì a nostra lingua pò sparisce, è ùn pudemu micca stà senza fà nunda ! Tutti i mezi pussivuli devenu esse messi in vallu per salvalla. Ch’elli sianu amministrativi per via di l’insegnamentu o ch’elli sianu militanti, culturali o sucietali.. Quelli chì parlanu corsu t’hanu oramai a rispunsabilità di tramandallu. È quelli ch’ùn parlanu micca t’hanu u duvere di fà u sforzu !
Ùn si pò micca esse spettatore di issa perdita tamanta.

FEMU A CORSICA chjama à a mubilizazione generale è chjama u populu à parlà corsu senza vergogna !

FEMU A CORSICA
11 mars 2019


LINGUA CORSA LINGUA NAZIUNALA HÈ !

Ùn si pò cundannà un omu par avè difesu l’usu di a noscia lingua. A cundanna di Ghjaseppu Colombani hè innacetevuli. S’iscrivi in u prulungamentu di tutti ‘ssi prucessi pulitichi chi ci ani toccu in i quali a situazioni di a lingua è di a cultura corsa, assufucati da u culunialisimu francesu, era dinunziata.
PATRIOTTI assicura u nosciu amicu di u so sustegnu fraternu.
Parchi u corsu hè lingua paisana e naziunala è ùn po micca essa supranatu da a lingua di l’occupanti, PATRIOTTI sarà dinò prisenti à l’accolta urganizzata da « Parlemu Corsu » sabatu u 23 di marzu, tre ori dopu mezziornu davant’à a prifittura in Aiacciu »
A lingua sprima l’anima di un populu. A lingua sprima u stintu di ogni cumunità chi voli campà di a so tarra.
U corsu sprimi u cori è a vita di i corsi chi volini fà da par iddi u so paesu.U corsu hè lingua naziunali e prima lingua !
A francizzazioni basta ! A lotta cuntinuighja !

PATRIOTTI
11 mars 2019


In sti tempi di ricusu di a lingua corsa da u statu francesu ,allora chi a sucità corsa sana hè in brama d’una lingua spannata, d’una lingua in bocca à l’avvena. U PNC faci soii i rivindicazioni di u Cullettivu « parlemu corsu » è s’addunisci à a chjama pà a mossa di u 23 marzu in Aiacciu.

PNC
12 mars 2019



Core In Fronte chjama tutti i so militanti, è tutti quelli chi volenu purtà a so voce à prò di a nostra lingua, à risponde à a chjama di u Cullittivu Parlemu Corsu pè dumandà chi l’amparera di u corsu diventessi ubligatoria da a scola materna sin’à l’università.
Aldilà di sta rivendicazione, Core In Fronte vole ch’ella sia messa in ballu una vera cuufficialità di e lingue corse è francese per andà, dumane, ver’ di una sucietà bislingua.
U biliguisimu deve esse, oghje, un solcu per fà, chì dumane, a lingua corsa ridivetessi a lingua di u pane è a lingua naziunale di a Nazione corsa à vene.
Ramintemu chì a lingua corsa ghjè l’estru di u populu corsu, ma quand’ella hè persa a lingua hè dinò persu u populu.
Pè l’avvene di a nostra lingua, pè l’avvene di u nostru populu, pè scrive a storia #DaPerNoi : TUTTI IN AIACCIU U 23 DI MARZU!

CORE IN FRONTE 
13 mars 2019



U Riacquistu di Portivechju porta u so sustegnu à Ghjaseppu Colombani. Ùn si pò cundannà un omu quandu si tratta di a situazioni di a noscia lingua in l’attuali sistema educativu supranatu da u francesu occupanti …

Tandu musciemu tutt’in forza a noscia vulintà di fà chi u corsu sia in cori di a sucità corsa, participendu u sabatu 23 di marzu in Aiacciu à l’accolta urganizzata da u culletivu  » Parlemu Corsu  » à 3 ori dopu mezziornu davant’à a prifettura.

U Riacquistu di Portivechju assicura dinò u culletivu  » Patriotti  » di  u so appoghju in a so ricerca di una risposta unitaria contru a riprissioni e contru a pulitica di u guvernu francesu chi ricusa sempri a Soluzioni Pulitica eppuri sprimata da un votu maghjuritariu è demucraticu.

Saria ora di dimustrà chi u populu unitu ùn si mittarà mai in ghjinocchju.

U Riacquistu di Portivechju
13 mars 2019



A brama di u populu corsu hè di mantene sta favella sacra ch’ella hè a lingua
corsa, di pudè adupralla in ogni locu di vita, di vedela carezzà ogni labbre, di
sentela schiattà in faccia à quelli chì a neganu dapoi anni è anni.
Ùn sia chè per quessa, u STC chjama l’inseme di a sucetà corsa à participà à
l’addunita ammaestrata da u cullettivu « parlemu corsu ».
À truvacci tutti, sabbatu u 23 di marzu à 3 ore davanti à a prefettura in
AIACCIU.
« A to lingua hè, un tesoru hè
Chì ci vole à parlà, pigliacci piacè
È tenela contu, hè da tramandà
À li to figlioli per lu sò campà ! »

STC 18 mars 2019



#Corse #LinguaCorsa Nouvelles mobilisations des acteurs du terrain – manifestation, rassemblements, blocages . . .



Revue de presse

(Alta Frequenza