Produit CORSU E RIBELLU

X

(Unità Naziunale Publié le 19 février 2019) U Tisoru Publicu francesu, arnesi di prissioni finanziaria in leia incù l’apparechju ripressivu francesu è certi banchi, s’accanisci contru à dui anziani prighjuneri pulitichi aderenti di u nosciu culletivu : Ghjaseppu Nasica e Antò Marchini.

Iss’accanimentu hè inacetevuli !

– Moscia bè, chì al di là di a prighjò, a riprissioni cuntinuighja di un’altra manera .
– Moscia bè, chì di pulitica di reinsersioni par anziani prighjuneri pulitichi ùn ci n’hè.
– Metti in evidenza a vulintà di lacà sucialmenti in a pricarità issi anziani ditinuti pulitichi.

Incù Antone Marchini è Ghjaseppu Nasica hè a dimarchja di u nosciu culletivu chì hè in puntu di mira. U nosciu culletivu diranghja monda l’attuali pulitica di u Statu francesu in Corsica. Pochi ghjorni fà, un altru membru di u nosciu culletivu, Ghjuvan Marcu Dominici, hè statu cunvucatu una volta di più, à a Ghjendarmeria Naziunali in Aleria…

U fattu hè, chì parrechji anziani prighjuneri pulitichi pattini d’una situazioni suciali monda difficiuli. U so cutidianu hè fattu di mancanza finanziaria, di ricerca d’impiegu, d’abbandonu è di solitudini. Avemu spiegatu è spartutu incù l’insembu di i forza rapprisentati à a Culletività Tarrituriali a rialità d’issu cuntestu, ma sin’à avali, à malgradu certi riflissioni d’urgenzi ufficializzati (comu u fondu di pinsioni), atti cuncreti missi in ballu un ci n’hè !
In i fatti u Statu francesu cuntinuighja u so racket contr’à i patriotti… Hè unu di i so metodi chì permetti dinò u spussessu familiali e fundariu.

Ùn ci laccaremu micca fà !

Patriotti hà da cuntinuà a so lotta contr’à iss’inghjustizia pulitica è suciali. Hà da cuntinuà : à opponesi contr’à a riprissioni ghjudiziaria, puliziaria è finanziaria chì impediscini l’omu di campà sanu è libaru in tarra soia. Hà da cuntinuà: à rinfurzà a so prisenza nant’à i tarreni populari di mossa è di mubilisazioni.

Hè tempu di cuncolta paisana è patriottica !

Libartà !

PATRIOTTI
19/02/2019