Produit CORSU E RIBELLU

X

(Unità Naziunale Publié le 6 février 2019) IN SUSTEGNU À A CATALUNIA, CHJAMA À L’ADDUNITA IN AIACCIU !

Sabatu u 9 di frivaghju, in Aiacciu, davant’à a prifittura, u cullettivu  » Corsica Catalunya «  chjama à l’adunita par purtà sustegnu à i prighjuneri pulitichi catalani ghjudicati da a Corti Suprema Spagnola par motivi di  » secessioni, disubbidienza e frambattuta di fondi « . PATRIOTTI sarà prisenti à ‘ss’adunita par muscià u so sustegnu intarnaziunali.

Issu prucessu inaccetevuli metti in rilievu a natura autoritaria di u Statu Spagnolu sempri attraversatu da ‘ssi riflessi franchisti.

Moscia dinò chi u Statu Spagnolu  ricusa a dimucrazia supratuttu quandu idda sprimi a vulintà maghjuritaria di un populu à scedda da per iddu u so avvena. Infini disegna una tacita cumplicità di l’oligarchia auropea  opposta à l’autoditirminazioni di i nazioni chi ùn so ricunisciuti.

Ciò chi  accadi in Catalunia ci cuncirnighja parchi tocca à i principi comu l’autoditirminazioni e a dimucrazia.

I patriotti chi no simu  mandani à i militenti pulitichi catalani u so sustegnu fraternu. A storia c’impara chi piu dura hè l’inghjustizia, piu forti sarà a ditirminazioni di u populu.

Vinnarà u ghjornu di a libartà catalana !

Tutti in Aiacciu par a Catalunia !

PATRIOTTI